Read Oshindonga-Ombiimbeli Ondjapuki OMAPISALOMI 56 Bible Online

OMAPISALOMI 56 - Oshindonga-Ombiimbeli Ondjapuki bible

OMAPISALOMI 56

¹Episalomi lyaDavid, konima yAafilisti sho ye mu kwata muGat Kalunga, sila ndje ohenda, oshoka onda langelwa; aatondi yandje otaa tidhagana ndje ethimbo alihe.

²Okuza ongula sigo okomatango aakondjithi yandje otaa matukile ndje. Oyendji mboka taa kondjitha ndje.

³Uuna nda tila, onde ku inekela, Omuwa Omunankondoawike.

⁴Ondi inekela Kalunga noite tila; otandi mu simanekele omauvaneko ge. Omuntu ota ningi ndje shike?

⁵Aatondi yandje otaa hindi ndje esiku alihe; aluhe otaa uvanene okuningila ndje uuwinayi.

⁶Otaa gongala e taa langele ndje. Otaa tala shoka te longo, opo ya dhipage ndje.

⁷Kalunga, ya geelela uukolokoshi wawo; sinda aantu mboka nondjahi yoye!

⁸Owa tseya, nkene ndi na uudhigu; omahodhi gandje owe ga pungula. Inaga nyolelwa nani membo lyoye?

⁹Esiku tandi ku ithana, aatondi yandje otaa shuna lwaanima. Ondi shi shi: Kalunga okwa gama kungame —

¹⁰Omuwa ngoka tandi mu pandulile omauvaneko ge.

¹¹Onde mu inekela noite tila. Omuntu ota ningi ndje shike?

¹²Kalunga, otandi ku pe shoka nde shi uvaneke; otandi ku pe omayambo gomapandulo,

¹³Oshoka owa hupitha ndje meso nowa gamene ndje, ndaa sindike. Nena otandi ende koshipala shaKalunga, omuuyelele waanamwenyo.