Read Oshindonga-Ombiimbeli Ondjapuki OMAPISALOMI 58 Bible Online

OMAPISALOMI 58 - Oshindonga-Ombiimbeli Ondjapuki bible

OMAPISALOMI 58

¹Episalomi lyaDavid Ne aapangeli, ohamu tokola tuu pauyuuki? Ohamu pangula tuu aantu ayehe shi thike pamwe?

²Ihamu shi ningi! Ohamu dhiladhila owala egeelo ndyo tamu ya pe notamu eta uupwidhi neyugo moshilongo.

³Aakolokoshi otaa tsikile uukolokoshi wawo; ohaa fundju okuza kevalo lyawo.

⁴Oyu udha uuzigo ya fa omayoka; otaa thitike omakutsi gawo ya fa efu embolo,

⁵ndyoka ihaali uvu ewi lyomunonomi gwomayoka, neizizimo lyompulile onkulungu.

⁶Kalunga, teya omayego goonime ndhika oonkolokoshi.

⁷Naa kane po ongomeya taga pwine; naa lyatelwe pevi ongomwiidhi gwomondjila.

⁸Naa fe oonkonkolosa tadhi hemuka po; naa fe okanona ka valwa ka sa, itaaka mono etango.

⁹Manga inaaye shi tseya, otaa tetwa po ongiigwanga mepya; mondjahi ye Kalunga ote ya pepe po, manga ye na omwenyo.

¹⁰Aayuuki otaa ka nyanyukwa, sho taa mono aalunde taa geelwa; otaa ende mombinzi yaakolokoshi.

¹¹Aantu otaa ti: “Aayuuki oya pewa ondjambi; eeno, oku na Kalunga omupangeli guuyuni.”