Read Oshindonga-Ombiimbeli Ondjapuki OMAPISALOMI 60 Bible Online

OMAPISALOMI 60 - Oshindonga-Ombiimbeli Ondjapuki bible

OMAPISALOMI 60

¹Episalomi lyaDavid lyokulonga konima sho a kondjo naAramin oku za kuNaharaim sigo okuZoba, ihe Joab okwa galuka e ta dhipaga Aaedomi 12 000 mehalandjandja lyaSalt Kalunga, owe tu ekelehi nowe tu halakanitha po; owe tu geele, ihe ngashingeyi tu sila ohenda ishewe.

²Owa kakamitha evi, nowe li tendeke omusa; ngashingeyi hondja omisa dhalyo, oshoka otali tatuka.

³Aantu yoye owe ya tsike uudhigu uunene; otwa tantala ongaantu ya kolwa.

⁴Mboka haa ku tila owe ya londodha, opo ya ye epangulo ontuku.

⁵Tu hupitha noonkondo dhoye; zimina eindilo lyetu, aaholike yoye opo ya hupithwe.

⁶Kalunga okwa popi e li muuyapuki we: “Mesindano otandi tende Shekem nolusilu lwaSukkot otandi lu topolele aantu yandje.

⁷Gilead oshandje, naManasse osho tuu; Efraim oye egala lyandje lyosheela, naJuda oye ondhimbo yandje yuukwaniilwa.

⁸Moab osho oshiyaha shandje shokwiiyogela notandi ka umbila Edom oongaku dhandje, okuholola kutya ongame mwene gwasho. Aafilisti, inamu nyanyukilwa edhiladhilo ndyoka kutya omwa sinda ndje.”

⁹Kalunga, olye ta fala ndje moshilando sha kola? Olye ta thindikile ndje kuEdom?

¹⁰Owe tu ekelahi nani? To ka enda tuu pamwe nomatangakwiita getu?

¹¹Tu kwatha mokukondjitha aatondi yetu. Ekwatho lyomuntu kali na shilonga.

¹²Pamwe naKalunga otatu ka sindana; otatu ka sinda aatondi yetu.