Read Oshindonga-Ombiimbeli Ondjapuki OMAPISALOMI 63 Bible Online

OMAPISALOMI 63 - Oshindonga-Ombiimbeli Ondjapuki bible

OMAPISALOMI 63

¹Episalomi lyaDavid sho a li mombuga yaJudea Kalunga, ongoye Kalunga kandje, otandi ku kongo. Onde ku yuulukwa nda mana mo; ngaashi evi lya kukuta lya sa oluteni, osho omwenyo gwandje gwe ku yuulukwa.

²Nandi ku mone u li muuyapuki woye; nandi tale oonkondo nesimano lyoye.

³Okusilwa ohenda kungoye oku vulile ndje okukala nomufudho, notandi ke ku simaneka.

⁴Onda hala oku ku hambelela, manga ndi na omwenyo; megalikano otandi yeluthile omaako gandje kungoye.

⁵Omwenyo gwandje otagu kuta ongaashi moshituthi; omilungu nokana kandje otake ku tanga.

⁶Otandi ku dhimbulukwa mokukala kwandje; otandi ku dhiladhila miikako yuusiku,

⁷oshoka ongoye ekwatho lyandje, momuzile gwomawawa goye otandi imbi nokunyanyukwa.

⁸Otandi ku dhama; oshikaha shoye osha gamena ndje.

⁹Mbo taa kongo omwenyo gwandje, otaa ka kulukila meso.

¹⁰Otaa ka lika po kegongamwele notaa ka ninga oondya dhoombandje.

¹¹Ihe omukwaniilwa ota ka nyanyukwa, oshoka Kalunga ote mu pe esindano. Ayehe mbo haa uvaneke medhina lyaKalunga, otaa ke mu hambelela, ihe omakana gaafundja otaga ka mwenekwa.