Read Oshindonga-Ombiimbeli Ondjapuki OMAPISALOMI 75 Bible Online

OMAPISALOMI 75 - Oshindonga-Ombiimbeli Ondjapuki bible

OMAPISALOMI 75

¹Episalomi lyaAsaf; Eimbilo Otatu ku hambelele, Kalunga, otatu ku pandula, oshoka ou li popepi natse. Otatu hokolola esimano lyoye notatu uvitha iikumithalonga yoye.

²Kalunga ota ti: “Ondu utha ethimbo, uuna tandi ka pangula; otandi ka tokola etokolo eyuuki.

³Evi nando li kakame, nakehe shoka shi na omwenyo nando nashi tile, otandi li kwata lyaa tenguke.

⁴Otandi lombwele aakaanakalunga, ye ethe uuntsa wawo.

⁵Otandi ya lombwele, ye ethe okutuwalala kwawo.”

⁶Esimano itali zi kuuzilo nenge kuuninginino, nohakombuga.

⁷Oye Kalunga ngoka ta pangula, ota geele yamwe e ta mangulula yakwawo.

⁸Moshikaha shOmuwa omu na oshitenga shomaviinu ga tutumika noga vongakanithwa niigwanga iilulu. Oye okwa pimpi oshitenga shondjahi ye, naakaanakalunga ayehe yokombanda yevi otaye ga nu po nehete lyago.

⁹Ihe ngame ondi na oku shi hokolola sigo aluhe; otandi simaneke aluhe Kalunga kaJakob.

¹⁰Kalunga ota hanagula po oonkondo dhaakaanakalunga, ihe aayuuki ote ya nenepeke.