Read Oshindonga-Ombiimbeli Ondjapuki OMAPISALOMI 79 Bible Online

OMAPISALOMI 79 - Oshindonga-Ombiimbeli Ondjapuki bible

OMAPISALOMI 79

¹Episalomi lyaAsaf Kalunga, aapagani oya kwata po evi lyoye; oya nyateke otempeli yoye ondjapuki, Jerusalem oye shi ningi omakulukuma.

²Omidhimba dhaantu yoye odha ningi iikulya yoondhila, nomalutu gaapiya yoye oga pewa iilikama.

³Ombinzi yaantu yoye oya tilwahi ngaashi omeya; ashihe osha ningilwa momudhingoloko gwaJerusalem, naasi oya nyengana okufumvika.

⁴Iigwana yopuushiinda otayi tu sheke; otayi tu yolo notayi tu nyeme.

⁵Omuwa, sigo uunake to kala wa geya? Sigo uunake ongeyo yoye tayi hwama ya fa omulilo?

⁶Geela iigwana mbyoka yaa ku shi; aantu mboka ihaaya tumbula edhina lyoye.

⁷Oshoka oya mana po Jakob; oya hanagula po ehala lyoye.

⁸Ino tu geelela omayono gootate. Tu sila ohenda mbala; otwa shonopekwa unene.

⁹Kalunga, omuhupithi gwetu, tu kwatha. Omolwesimano lyedhina lyoye tu hupitha e to dhimi po oondjo dhetu.

¹⁰Iigwana omolwashike yi na okutya: “Kalunga keni oku li peni?” Geela iigwana montaneho yetu, sho ya dhipaga po aapiya yoye.

¹¹Okulila kwaaedhililwa mondholongo naku thike momakutsi goye. Oonkondo dhoyenadhi hupithe mbo ya pangulilwa eso.

¹²Omuwa, iigwana iishiinda yetu yi galulila luheyali uuwinayi wayo, sho ye ku sheke.

¹³Otse aantu yoye noonzi dhuusita woye; otatu ku pandula aluhe notatu ku hambelele aluhe sigo aluhe.