Read Oshindonga-Ombiimbeli Ondjapuki OMAPISALOMI 83 Bible Online

OMAPISALOMI 83 - Oshindonga-Ombiimbeli Ondjapuki bible

OMAPISALOMI 83

¹Episalomi lyaAsaf; Eimbilo Kalunga, ino mwena; ino tya thilu!

²Tala, nkene mbo ye ku tonde ya kolokosha; tala, sho inaa hala okuvulika.

³Otaa ende aantu yoye mevi; otaa kotokele mbo ye li megameno lyoye.

⁴Otaa ti: “Ileni, tu halakanithii po oshigwana shawo, opo Israel a dhimbiwe sigo aluhe.”

⁵Otaa uvathana ompangela yawo notaa tungu elongelokumwe lyawo, ye ku kondjithe:

⁶Aaedomi nAaismaeli, Aamoabi nAahagar,

⁷aantu yaGebal, Ammon naAmalek, Aafilisti nAatiro.

⁸Assur naye wo okwa hangana nayo, kuume kaAmmon naMoab omunankondo, yomoluvalo lwaLot.

⁹Kalunga, ya ninga ngaashi wa ningi Aamidiana nongaashi wa ningi Sisera naJabin pomulonga Kishon.

¹⁰Owe ya dhipagele puEndor, nomidhimba dhawo odho olele pontundulu.

¹¹Aawiliki yawo ya ninga ngaashi wa ningile Oreb naSeeb; ya sinda ngaashi wa sindi Seba naZalmunna.

¹²Mboka ya popi ya ti: “Otatu ka kwata po omayana gaKalunga.”

¹³Kalunga, ya ninga ngaashi ontsi tayi pepwa po kombepo, ngaashi iiyagaya tayi yi nokambiya.

¹⁴Ngaashi epeya tali fike po omugulu, nongaashi omulilo tagu hwameke oondundu,

¹⁵ya tidha po noshikungulu shoye; ya halutha noshihomo shoye.

¹⁶Omuwa, ya sitha ohoni; naa tseye oonkondo dhoye.

¹⁷Naa sindike e taa tila sigo aluhe; naa sile mohoni yawo.

¹⁸Naye ku tseye kutya ongoye awike Omuwa Omupangeliawike kombanda yevi alihe.