Read Oshindonga-Ombiimbeli Ondjapuki OMAPISALOMI 96 Bible Online

OMAPISALOMI 96 - Oshindonga-Ombiimbeli Ondjapuki bible

OMAPISALOMI 96

¹Imbileni Omuwa ondjimbo ompe! Imbileni Omuwa, uuyuni auhe!

²Imbileni Omuwa, ne mu mu simaneke. Hokololeni esiku kehe elaka etoye kutya okwe tu hupitha.

³Uvithileni iigwana esimano lye, iilonga yoonkondo okiigwana ayihe.

⁴Omuwa oye omunene noku na okusimanekwa; oku na okutumbalekwa e vule iikalunga ayihe.

⁵Iikalunga yiigwana ayihe yilwe oyo iimenka yowala, ihe Omuwa oye a shiti omagulu.

⁶Esimano neadhimo olye mu kunduka; oonkondo neopalo oli li motempeli ye.

⁷Hambeleleni Omuwa, one aantu amuhe kombanda yevi; tangeni eadhimo noonkondo dhe.

⁸Peni edhina lyOmuwa esimano; eteni omagano, sho tamu ya motempeli ye.

⁹Inyongameneni koshipala shOmuyapuki, uuna ta holoka; evi alihe nali kakame koshipala she!

¹⁰Lombweleni iigwana ayihe tamu ti: “Omuwa oye omukwaniilwa! Evi olya dhikika lya kola, itali tenguka; Omuwa ota ka pangula aantu pauyuuki.”

¹¹Egulu nevi naga nyanyukwe! Efuta ndunduma, niishitwa ayihe yi li mungoye;

¹²omalundu nyanyukwe, naashihe shi li mune! Omiti adhihe dhomomugulu otadhi ka kugilila kenyanyu

¹³Omuwa sho te ya okupangela uuyuni. Ota ka pangula aantu ayehe yokombanda yevi e na uuyuuki noshili.