Read Oshindonga-Ombiimbeli Ondjapuki LEVITIKUS 11 Bible Online

LEVITIKUS 11 - Oshindonga-Ombiimbeli Ondjapuki bible

LEVITIKUS 11

¹Omuwa okwa lombwele Moses naAaron e ta ti:

²“Lombweleni Aaisraeli omautho ngaka. Otamu vulu okulya iinamwenyo ayihe yokevi

³mbyoka yi na omakondo ga shandjuka nohayi ekeshele.

⁴Ihe inamu lya oongamelo, uuhele nuulimba. Oyo iinamwenyo yoshipwe; ohayi ekeshele, nonando kayi na omakondo ga handjuka.

⁵

⁶

⁷Inamu lya iingulu. Oyi na oshipwe; nomakondo gayo oga shandjuka, ihe ihayi ekeshele.

⁸Iinamwenyo mbika inamu yi lya ne inamu guma omituntu dhayo; oyi na oshipwe.”

⁹Otamu vulu okulya oohi adhihe ndhoka dhi na omilenge niipeta,

¹⁰ihe ayihe mbyoka yi li momeya yaa na omilenge niipeta inamu yi lya.

¹¹Iishitwa ya tya ngaaka oyi na oshipwe. Inamu yi lya nenge mu gume omituntu dhayo.

¹²Inamu lya iinamwenyo mbyoka yi li momeya yo yaa na omilenge niipeta.

¹³Moondhila nyanyaleni ndhika mwaa dhi lye, oshoka odhi na oshipwe: ekodhi eluudhe, ekwatandimba, onkwalukwa,

¹⁴embiimbili, oondhila oonkwakodhi,

¹⁵omaludhi gomakola,

¹⁶ompo, lumbamba, kakwaya, ookakodhi,

¹⁷oshukutula, ontyololola, ehwiyu,

¹⁸kakulu, onyundu, ontsa,

¹⁹kandoko omaludhi gomayamakalwa, dhepupu nelimalima.

²⁰Iipethipethi ayihe yomawawa yi na omagulu gane, oyi na oshipwe.

²¹Ihe otamu vulu okulya iipethipethi mbyoka yomawawa yi na omagulu gane hayi nyantuka pevi.

²²Ano otamu li mbika: oombahu dhanakapipi nomaludhi gadho, oombahu dhomakamuti nomaludhi gadho noshapapa.

²³Iipethipethi yilwe yi na omawawa nomagulu gane, oyi na oshipwe.

²⁴Iipuka mbika oyo oshipwe. Ngoka te yi gumu, ota kala e na oshipwe sigo ongulohi.

²⁵Shaa ngoka ta humbata omituntu dhayo, na yoge oonguwo dhe nota kala e na oshipwe sigo ongulohi.

²⁶Iinamwenyo ayihe yomakondo ga tashuka go inaaga shandjuka nawa yo ihayi ekeshele, oyo oyi na oshipwe. Shaa ngoka te yi gumu, ota kala e na oshipwe.

²⁷Iinamwenyo ayihe yomagulu gane yi na omakaha, oyi na oshipwe. Ngoka ta gumu omituntu dhayo, ota kala e na oshipwe sigo ongulohi.

²⁸Oongoka ta humbata omituntu dhayo, na yoge oonguwo dhe nota kala e na oshipwe sigo ongulohi. Oyi na oshipwe.

²⁹Uunamwenyo mbuka hau ende pevi, ou na oshipwe: ontunankwi, ombuku nomaludhi gomayengele,

³⁰eyompompolo, eyangomba, kakoko, nyandako nethimbithimbi.

³¹Iipuka mbika oyi na oshipwe. Shaa ngoka te yi gumu ngele oya sa, ota kala e na oshipwe sigo ongulohi.

³²Noshaa shoka tashi gwilwa kuyo ngele oya sa, otashi kala shi na oshipwe. Oshiti kehe nenge oshilapi nenge oshipa nenge oshako, shaa shoka hashi longithwa, oshi na okutulwa momeya e tashi kala shi na oshipwe sigo ongulohi; oyo notayi ka za nduno oshipwe.

³³Ngele shimwe shayo otashi gwile mombiga nenge moshiyuma, ayihe mbyoka tayi adhika mo, otayi kwata oshipwe. Oshiyuma nashi tatulwe po.

³⁴Ashihe hashi liwa e tashi kwatathana nomeya gomoshiyuma shoshipwe, otashi kwata oshipwe; omeya haga nuwa ge li moshiyuma shoka, otaga kwata oshipwe.

³⁵Apehe mpoka tapu gwile omituntu dhayo, otapu kwata oshipwe; omasiga gatatu naga tatulwe po, oge na oshipwe tage mu kwatitha oshipwe.

³⁶Ihe iipemba nomakango gomeya otaga kala ga yogoka, nando iinima yilwe ayihe tayi gumu omituntu dhayo, otayi kala yi na oshipwe.

³⁷Ngele omutuntu otagu gwile mombuto, otayi kala ya yela.

³⁸Ihe ngele ombuto ya adhika ya tutikwa, nomutuntu tagu gwile mo, otayi kwata oshipwe.

³⁹Oshimuna hashi liwa ngele tashi si, ngoka te shi gumu, ota kala e na oshipwe sigo ongulohi.

⁴⁰Ngele oku na ngoka ta li ontumba yoshimuna shika, na yoge oonguwo dhe nota kala e na oshipwe sigo ongulohi. Ngoka ta humbata oshimuna sha sa, na yoge oonguwo dhe, ihe na kale e na oshipwe sigo ongulohi.

⁴¹Inamu lya uupuka mboka hau mikita mevi,

⁴²auhe mboka hau ipwedha nenge hau ende u na omagulu gane nenge ge vule po.

⁴³Inamu ikwatitha oshipwe moku u lya.

⁴⁴Ongame Omuwa Kalunga keni. Kaleni aayapuki, oshoka ngame omuyapuki.

⁴⁵Ongame Omuwa nde mu tembudha muEgipiti, opo ndi ninge Kalunga keni. Kaleni aayapuki, oshoka ngame omuyapuki.

⁴⁶Ompango ndjika oyiinamagulugane noyoondhila naambyoka hayi kala momeya naambyoka hayi ende mevi.

⁴⁷Kotokeni mu yoolole pokati kaambyoka ya yogoka naambyoka yoshipwe, iinamwenyo mbyoka hayi liwa naambyoka ihaayi liwa.