Read Oshindonga-Ombiimbeli Ondjapuki LEVITIKUS 15 Bible Online

LEVITIKUS 15 - Oshindonga-Ombiimbeli Ondjapuki bible

LEVITIKUS 15

¹Omuwa okwa lombwele Moses naAaron ya gandje

²kAaisraeli omautho ngaka. Ngele oku na omulumentu ta zi omayoyo muulumentu, omayoyo oshidhila.

³Omulumentu oku na oshidhila, ongele omayoyo taga zi mo muulumentu we nenge taga thigala mo.

⁴Pombanza kehe a lalele nenge apehe ta kuutumba, otapu kala pwa nika oshidhila.

⁵Shaa ngoka ta gumu ombete ye, na yoge oonguwo dhe ye ni iyoge olutu aluhe, nota kala e na oshidhila sigo ongulohi.

⁶Shaa ngoka ta kuutumba poshinima a li a kuutumba po, na yoge oonguwo dhe ye ni iyoge olutu aluhe, nota kala a nika oshidhila sigo ongulohi.

⁷Ngoka ta gumu nakuziya omayoyo, na yoge oonguwo dhe ye ni iyoge olutu aluhe, nota kala a nika oshidhila sigo ongulohi.

⁸Nakuziya omayoyo ngele ota hiyile omuntu omuyelele omayeye, omuntu ngoka na yoge oonguwo dhe ye ni iyoge olutu aluhe, nota kala a nika oshidhila sigo ongulohi.

⁹Omutumba kehe gwokakambe nakuziya omayoyo a li a kuutumba, ogwa nika oshidhila.

¹⁰Omuntu kehe ta gumu shoka nakuziya omayoyo a li a kuutumba, oku na oshidhila sigo ongulohi. Ngoka a humbata oshinima sha kuutumbwa kunakuziya omayoyo, na yoge oonguwo dhe ye ni iyoge olutu aluhe, nota kala a nika oshidhila sigo ongulohi.

¹¹Nakuziya omayoyo ngele ota gumu omuntu ye ina yoga tango iikaha ye, omuntu ngoka omugumwa na yoge oonguwo dhe ye ni iyoge olutu aluhe, nota kala a nika oshidhila sigo ongulohi.

¹²Oshiyuma kehe sheloya nakuziya omayoyo te shi gumu, nashi tatulwe po, ihe etenga kehe lyoshiti te li gumu, nali yogwe momeya.

¹³Ehiho lyomayoyo nge lya kodha, na tegelele omasiku gaheyali. Nena na yoge oonguwo dhe nota yogo olutu lwe momeya omayelele, nota kala a yogoka.

¹⁴Mesiku etihetatu na kuthe oonguti mbali nenge uungutyona uyali e ta holoka koshipala shOmuwa posheelo shetsalihangano, e dhi fale komuyambi.

¹⁵Omuyambi na yambe po yimwe yi ninge eyonondjambo, nonkwawo yi ninge efikilondjambo. Pahedhi ndjika omuyambi ota tsakanitha omusindilo gweiyopaleko lyomuntu ngoka.

¹⁶Ngele oku na omulumentu ta hiha omasita goluvalo, na yoge olutu lwe aluhe, nota kala a nika oshidhila sigo ongulohi.

¹⁷Oshilapi nenge oshipa kehe sha nothelwa komasita goluvalo, nashi yogwe, notashi kala sha nika oshidhila sigo ongulohi.

¹⁸Omulumentu nge ta lala nomukiintu, ndele omasita goluvalo taga tika mo, naa yoge nawa omalutu gawo, notaa kala ya nika oshidhila sigo ongulohi.

¹⁹Omukiintu ngele oku li komwedhi, ota kala a nika oshidhila omasiku gaheyali. Shaa ngoka te mu gumu, ota kala a nika oshidhila sigo ongulohi.

²⁰Ashihe shoka te shi kuutumba nenge ta lala po methimbo lye lyokomwedhi, otashi kala sha nika oshidhila.

²¹Shaa ngoka ta gumu ombete ye nenge mpoka a li a kuutumba po, na yoge oonguwo dhe ye ni iyoge olutu aluhe, nota kala a nika oshidhila sigo ongulohi.

²⁴Ngele oku na omulumentu ta lala nomukiintu pethimbo lye lyokomwedhi, ota nyatekwa nota kala e na oshidhila omasiku gaheyali, nopombanza kehe ta ka lala po, otayi kala ya nika oshidhila.

²⁵Ngele oku na omukiintu ta ziya ombinzi omasiku ogendji yaa shi yokomwedhi, nenge tayi ziya ya pitilila ethimbo lye lyokomwedhi, ota kala a nika oshidhila ethimbo alihe lyombinzi tayi ziya ngaashi naanaa pethimbo lye lyokomwedhi.

²⁶Kombete kehe a lala ko naapehe a kuutumba methimbo lyoluziyo lwe, otayi kala ya nika oshidhila.

²⁷Shaa ngoka te yi gumu, ota kala a nika oshidhila. Na yoge oonguwo dhe ye ni iyoge olutu aluhe, nota kala a nika oshidhila sigo ongulohi.

²⁸Oluziyo lwe ngele olwa kodha, na tegelele omasiku gaheyali, nena ota kala a yogoka.

²⁹Mesiku etihetatu na kuthe oonguti mbali nenge uungutyona uyali e te dhi fala komuyambi posheelo shetsalihangano.

³⁰Omuyambi na yambe po yimwe yi ninge eyonondjambo, nonkwawo yi ninge efikilondjambo. Pahedhi ndjika omuyambi ota tsakanitha omusindilo gweiyopaleko lyomuntu ngoka.

³¹Omuwa okwa lombwele Moses a londodhe Aaisraeli omolwokunika oshidhila kwawo, opo yaa nyateke etsalihangano, ndyoka li li mokati koontanda dhawo. Ngele taye shi ningi, otaa dhipagwa po.

³²Ngaka ogo omautho gomulumentu nakuhiha omayoyo naangoka ta hiha omasita goluvalo,

³³nogomukiintu e li komwedhi nenge gomulumentu nomukiintu e na oluziyo nenge gomulumentu ngoka ta lala nomukiintu a nika oshidhila.