Read Oshindonga-Ombiimbeli Ondjapuki LEVITIKUS 17 Bible Online

LEVITIKUS 17 - Oshindonga-Ombiimbeli Ondjapuki bible

LEVITIKUS 17

¹Natango Omuwa okwa lombwele Moses

²a gandje kuAaron noyana nAaisraeli ayehe omautho ngaka.

³Omuisraeli ngoka ta dhipaga ongombe nenge onzi nenge oshikombo, shi ninge ondjambo yOmuwa, te shi dhipagele palwe pwaa shi posheelo shetsalihangano, okwa yono ompango. Oye oku na ondjo yokutilahi ombinzi noita yalulilwa we maantu yaKalunga.

⁵Ngashingeyi Aaisraeli naa etele ano Omuwa iimuna mbyoka ya li haye yi dhipagele momalundu. Naye yi ete komuyambi posheelo shetsalihangano e taye yi dhipagele po yi ninge omakwatathanondjambo gokuyambelwa Omuwa.

⁶Omuyambi na shashamine ombinzi koombinga noombinga dhoshiyambelo posheelo shetsalihangano e ta lungunitha po oofu, dhi gandje ezimba lya nika nawa tali opalele Omuwa.

⁷Aaisraeli inaa kala ya dhine Omuwa nokudhipagela iimuna yawo momalundu, ye yi yambele iikalungakombo. Naa dhiginine eutho ndika aluhe sigo aluhe.

⁸Shaa ngoka gwomAaisraeli nenge maakwiilongo ya kala mokati kawo ta yamba efikilondjambo nenge ontselelandjambo

⁹noite li eta posheelo shetsalihangano li yambelwe Omuwa, na dhimwe mo maantu yaKalunga.

¹⁰Ngele oku na Omuisraeli nenge omukwiilongo a kala megongalo ta li onyama yi na ombinzi, Omuwa ote mu geele, nota dhimwa mo maantu yaKalunga.

¹¹Omwenyo gwomomayulu ogwa kala mombinzi. Omolwaashoka Omuwa a gandja oshipango tashi ti, ombinzi ayihe nayi tilwe koshiyambelo, yi yoge po oondjo dhoshigwana, ombinzi ndjoka yi na omwenyo, otayi yogo po oondjo.

¹²Omolwaashoka Omuwa a lombwele Aaisraeli kutya inaku kala nando omuntu gwomuyo nenge omukwiilongo a kala mokati kawo ta li onyama yi na ombinzi.

¹³Ngele oku na Omuisraeli nenge omukwiilongo a kala megongalo ta yewe oshiyamakuti nenge ondhila hayi liwa e te yi dhipaga, na kutule omunino, opo ombinzi yi ze mo, ye e yi file omavi.

¹⁴Omwenyo gwomomayulu ogwa kala mombinzi, omolwaashoka Omuwa a lombwele Aaisraeli kutya inaa lya nando onyama yi na ombinzi, noshaa ngoka te yi li, ota dhimwa mo maantu yaKalunga.

¹⁵Omuntu kehe, Omuisraeli nenge omukwiilongo, ngoka ta li onyama yoshinamwenyo shi isila nenge sha lika kiilikama, oku na okuyoga oonguwo dhe ye ni iyoge olutu aluhe, nota kala e na oshidhila sigo ongulohi,

¹⁶Ngele ite shi ningi, nena ota pewa ondjo.