Read Oshindonga-Ombiimbeli Ondjapuki AAKOLOSSA 3 Bible Online

AAKOLOSSA 3 - Oshindonga-Ombiimbeli Ondjapuki bible

AAKOLOSSA 3

¹One omwa yumudhwa kuusi pamwe naKristus. Kongeni ano iinima mbiyaka yomegulu, moka Kristus e li a kuutumba koshipangelapundi kolulyo lwaKalunga.

²Dhiladhileni iinima yaahwiyaka kombanda, haambika yopevi.

³Oshoka one omwa sa pamwe naKristus noomwenyo dheni odha holekwa muKalunga pamwe naKristus.

⁴Kristus oye omwenyo gweni, uuna ta holoka, nena nane wo otamu ka holoka pamwe naye notamu ka kala mu na oshitopolwa meadhimo lye.

⁵Dhipageni ano uuhalu weni wopavi mboka tau longo mune ngashika oluhondelo, iipala, uuholume nuuhalu uuwinayi nolwiho. Nokuli olwiho olwo olupe lumwe lwesimaneko lyiimenka.

⁶Iinima ya tya ngaaka otayi eta ondjahi yaKalunga kombanda yaantu mboka ihaa vulika kuye.

⁷Nane yene omo wo mwa kala nale mongundu yaantu ya tya ngaaka, okukalamwenyo kweni sho kwa li taku pangelwa kuuhalu owo tuu mboka.

⁸Ihe ngashingeyi one omu na okweetha iinima mbika ayihe: ondjahi, uugeyi nuuwinayi auhe. Momakana geni inamu pita we omasheko nenge oohapu oombwinayi.

⁹Inamu lombwelathana iifundja, oshoka one omwi ihula omuntu gweni omukulu pamwe nomikalo dhe,

¹⁰nomwa zala omuntu omupe. Kalunga ota shitulula aluhe omuntu nguka omupe mune, a fe ondjelo yomushiti gwe, opo e mu thikithe kegwano lyoku mu tseya.

¹¹Onkee ano kape na we eyoloko pokati komupagani nOmujuda, kaangoka a fukalekwa naangoka inaa fukalekwa, omupika nomuvalwa, omukwiilongo nomudhinwa, ihe ayihe oKristus ngoka e li mwaayihe.

¹²One aantu yaKalunga. Kalunga oku mu hole nokwe mu hogolola, mu kale aantu ye mwene. Onkee ano kaleni mu na olukeno, ohenda, eifupipiko, ombili neidhidhimiko.

¹³Kwathathaneni, dhiminathanii po oondjo ethimbo kehe, uuna pe na ngoka a ningathana namukwawo. Dhiminathanii po oondjo naanaa, ngashika Omuwa e mu dhimine po.

¹⁴Kumbika ayihe gwedhii ko ohole, oshoka ohole oyo epaya tali vulu okumangela iinima ayihe kumwe.

¹⁵Ombili ndjoka Kristus te yi gandja, nayi mu pangele, oshoka ombili ndjika oyo ndjoka Kalunga e yi mu ithanena, mu kale nayo molutu lumwe. Hambeleleni ihe Kalunga aluhe.

¹⁶Oohapu dhaKristus nuuyamba auhe wadho nadhi kale dhu udhilila mune. Longathaneni nokupukululathana noondunge adhihe. Imbeni omapisalomi, omaimbilo noondjimbo oondjapuki. Imbileni Kalunga omahambelelo taga zi meni moomwenyo dheni.

¹⁷Kehe shoka tamu shi longo nenge tamu shi popi, shi ningeni medhina lyOmuwa Jesus, ne mu hambelele Kalunga Tate omolwe.

¹⁸Aakiintu, vulikeni kaalumentu yeni, oshoka osho oshinakugwanithwa sheni shaakriste.

¹⁹Aalumentu, holeni aakiintu yeni, ne inamu kala mu na onyanya nayo.

²⁰Aanona, vulikeni aluhe kaakuluntu yeni, oshoka osho oshinakugwanithwa sheni shopakriste nosho opalela Kalunga.

²¹Aakuluntu, inamu hinda aana yeni, opo yaa kanithe einekelo.

²²Aapika, vulikeni kooyene yeni yopantu miinima ayihe. Inamu shi ninga owala uuna ndoka ye mu wete, mu hokiwe ando kuyo. Ihe shi ningeni nomwenyo aguhe omolwetilo lyeni okutila Omuwa.

²³Shaa shoka tamu shi longo, shi longeni nomwenyo aguhe ongaamboka itaamu longele aantu, ihe Omuwa ye mwene.

²⁴Dhimbulukweni kutya Omuwa ote ke mu futa. One otamu ka pewa shoka Kalunga e shi nunina aantu ye; oshoka otamu longele Omuwa Kristus ye mwene.

²⁵Omukolokoshi kehe ota ka futilwa uuwinayi mboka e u longa, oshoka Kalunga oha ningile aantu ayehe shi thike pamwe.