Read Oshindonga-Ombiimbeli Ondjapuki JOSUA 12 Bible Online

JOSUA 12 - Oshindonga-Ombiimbeli Ondjapuki bible

JOSUA 12

¹Okuza kolusilu lwaArnon okuuka nolusilu lwaJordan, sigo okondundu Hermon kuumbangalantu, Aaisraeli oya adhika ya kwata po nokulala evi lyokuuzilo waJordan. Oya sindi aakwaniilwa yaali.

²Gumwe oSihon, omukwaniilwa gwAayamori, ngoka a li ta pangele muHeshbon. Oshilongo she osha kwatelele mo etata lyaGilead: okuza kuAroer (kooha dholusilu lwaArnon) noshilando shi li pondinga yolusilu ndoka, sigo okomulonga Jabbok, ngoka ongamba yaAmmon;

³e tashi kwatelele mo olusilu lwaJordan okuza kEfuta lyaGalilea okuuka lwokuumbugantu, sigo oBet Jeshimot (kuuzilo wEfuta lya sa) noponyonga yondundu Pisga.

⁴Oyo ya sindi wo omukwaniilwa Og gwaBaasha, ngoka a li gumwe gwomAarafa yahugunina; okwa lele muAshtarot naEdrei.

⁵Oshilongo she osha kwatelele mo ondundu Hermon, Salka naBaasha, ashihe, sigo okoongamba dhaGeshur naMaaka, osho wo etata lyaGilead, sigo okoshitopolwa shomukwaniilwa Sihon gwaHeshbon.

⁶Aakwaniilwa mbaka yaali oya li ya sindwa kuMoses nAaisraeli. Omumati gwOmuwa Moses okwa gandja evi lyawo kezimo lyaRuben nolyaGad noketatazimo lyaManasse, li ninge eliko lyawo.

⁷Josua nAaisraeli oya sindi aakwaniilwa ayehe yomoshitopolwa shokuuninginino waJordan, okuza kuBaal Gad molusilu lwaLibanon, sigo ondundu Halak kuumbugantu popepi naEdom. Josua okwa topolele omazimo evi ndika, ga kale mo aluhe.

⁸Oshitopolwa shika osha kwatelele mo evi lyokoondundu, iikulundundu yoponyonga yadho kuuninginino, olusilu lwaJordan niikulundundu yoponyonga yalwo, omasilukila gokuuzilo nevi lyokuumbugantu hoka ihaaku lokwa. Evi ndika olya li lyAaheti, lyAayamori, lyAakaanana, lyAaperesi, lyAahevi nolyAayebusi.

⁹Aaisraeli oya sindi aakwaniilwa yiilando mbika: Jeriko, Ai (popepi naBetel),

¹⁰Jerusalem, Hebron,

¹¹Jarmut, Lakish,

¹²Eglon, Geser,

¹³Debir, Geder,

¹⁴Horma, Arad,

¹⁵Libna, Adullam,

¹⁶Makkeda, Betel,

¹⁷Tappua, Hefer,

¹⁸Afek, Lashar on,

¹⁹Madon, Hazor,

²⁰Shimron Meron, Aksaf,

²¹Taanak, Megiddo,

²²Kedesh, Jokneam (ponyonga yaKarmel),

²³Dor (komunkulo), Goiim (muGalilea)

²⁴naTirza — kumwe aakwaniilwa omilongo ndatu nagumwe.