Read Oshindonga-Ombiimbeli Ondjapuki JOSUA 19 Bible Online

JOSUA 19 - Oshindonga-Ombiimbeli Ondjapuki bible

JOSUA 19

¹Egandjo etiyali olya ningilwa omaludhi gomezimo lyaSimeon. Oshitopolwa shago osha li sha taandela, sigo omokati kevi lya pewa ezimo lyaJuda.

²Osha kwatelele mo Beersheba, Sheba, Molada,

³Hazar Shual, Baala, Ezem,

⁴Eltolad, Betul, Horma,

⁵Ziklag, Bet Markabot, Hazar Susa,

⁶Bet Lebaot naSharuhen: iilando omulongo niitatu nomikunda dhayo.

⁷Okwa li wo Ain, Rimmon, Eter naAshan: iilando ine nomikunda dhayo.

⁸Shika osha kwatele mo omikunda adhihe momidhingoloko dhiilando mbika, sigo oBaalat Beer (kokutya Rama) shokuumbugantu. Ndika olyo evi lya gandjwa, li ninge eliko lyomaludhi gomezimo lyaSimeon.

⁹Oshoka oshitopolwa shaJuda osha li oshinene kuyo, ombinga yoshitopolwa shawo oya pewa ezimo lyaSimeon.

¹⁰Egandjo etitatu olya ningilwa omaludhi gomezimo lyaSebulon. Evi ndyoka ga taamba olya adha sigo oSarid.

¹¹Okuza nkoka ongamba oyu uka kuuninginino kuMarala nokuguma kuDabbeshet nokokalonga kuuzilo waJokneam.

¹²Kombinga onkwawo yaSarid tayi uka kuuzilo kongamba yaKislot Tabor, nena okuDaberat e tayi londo kuJafia.

¹³Okuza nkoka otayi tsikile kuuzilo kuGat Hefer naEt Kazin nokugoyokela lwokuNea mondjila yokuuka kuRimmon.

¹⁴Kuumbangalantu ongamba otayi goyokele lwokuHannaton nokuhulila molusilu lwaIftahel.

¹⁵Evi lyawo olya kwatelele mo Kattat, Nahalal, Shimron, Jidala naBetlehem: iilando omulongo niiyali nomikunda dhayo.

¹⁶Iilando mbika nomikunda dhayo oya li mevi ndyoka lya gandjwa, li ninge eliko lyomaludhi gomezimo lyaSebulon.

¹⁷Egandjo etine olya ningilwa omaludhi gomezimo lyaIssaskar.

¹⁸Oshitopolwa shago osha kwatelele mo Jesreel, Kesullot, Shunem,

¹⁹Hafarajim, Shion, Anahara,

²⁰Rabbit, Kishion, Ebez,

²¹Remet, En-gannim, En Hadda naBet Pazzez.

²²Ongamba oya guma kuTabor, Shahazuma naBet Shemesh e tayi hulile muJordan. Otayi kwatelele mo iilando omulongo niihamano nomikunda momidhingoloko dhayo.

²³Iilando mbika nomikunda dhayo oya li mevi ndyoka lya ningi eliko lyomaludhi gomezimo lyaIssaskar.

²⁴Egandjo etitano olya ningilwa omaludhi gomezimo lyaAser.

²⁵Oshitopolwa shago otashi kwatelele mo Helkat, Hali, Beten, Aksaf,

²⁶Alammelek, Amad naMishal. Kuuninginino ongamba oya guma kuKarmel naShihor Libnat.

²⁷Okuza nkoka otayi goyokele lwokuuzilo, tayi adha kuBet Dagon, tayi gumu kuSebulon nokolusilu lwaIftahel e tayi uka kuBet Emek naNegiel kuumbangalantu. Otayi tsikile yu uka kuumbangalantu kuKabul,

²⁸Ebron, Rehob, Hammon naKana nosigo oSidoni.

²⁹Opo ihe ongamba otayi goyokele kuRama nokwaadha oshilandohote Tiro; nena otayi goyokele kuHosa nokuhulila mEfuta lyopokati. Otayi kwatelele mo Mahalab, Aksib,

³⁰Umma, Afek naRehob: iilando omilongo mbali niiyali nomikunda dhayo.

³¹Iilando mbika nomikunda dhayo oya li mevi ndyoka lya gandjwa, li ninge eliko lyomaludhi gomezimo lyaAser.

³²Egandjo etihamano olya ningilwa omaludhi gomezimo lyaNaftali.

³³Ongamba yago otayi zi kuHelef yu uka komwandi gwokuZaanannim, kuAdaminekeb, kuJamnia nokuLakhum, sigo tayi hulile muJordan.

³⁴Okuza nkoka ongamba otayi goyokele lwokuuninginino kuAsnot Tabor nokuHukkok nokuguma kuSebulon kuumbangalantu, kuAser kuuninginino nokuJordan kuuzilo.

³⁵Iilandohote oya li Ziddim, Zer, Hammat, Rakkat, Kinneret,

³⁶Adama, Rama, Hazor,

³⁷Kedesh, Edrei, Enhazor,

³⁸Jiron, Migdalel, Horam, Betanat naBet Shemesh: iilando omulongo nomugoyi nomikunda dhayo.

³⁹Iilando mbika nomikunda dhayo oya li mevi ndyoka lya ningi eliko lyomaludhi gomezimo lyaNaftali.

⁴⁰Egandjo etiheyali olya ningilwa omaludhi gomezimo lyaDan.

⁴¹Oshitopolwa shago otashi kwatelele mo Soar, Eshtaol, Ir-Shemesh,

⁴²Shaalbim, Ajalon, Jitla,

⁴³Elon, Timna, Ekron,

⁴⁴Elteke, Gibbeton, Baalat,

⁴⁵Jehud, Beneberak, Gatrimmon,

⁴⁶Mejarkon naRakkon, osho wo omudhingoloko gwaJoppa.

⁴⁷Ihe Aadan sho ya kanitha evi lyawo, oya yi kuLaish e taye shi ponokele. Oye shi kwata po e taa dhipaga aantu yasho e taye shi ningi shawo yene. Oya tula mo noya lundulula edhina lyasho Lajish e tali ningi Dan, ye shi lukile hekulu Dan.

⁴⁸Iilando mbika nomikunda dhayo oya li mevi lya gandjwa, li ninge eliko lyomaludhi gomezimo lyaDan.

⁴⁹Aaisraeli sho ya mana okutopola evi, oya pe Josua yaNun oshitopolwa, shi ninge she mwene.

⁵⁰Palombwelo lyOmuwa oye mu pe oshilando shoka a pula: Timnat Sera kevi lyokoondundu dhaEfraim. Okwa tungulula oshilando nokwa tula mo.

⁵¹Omuyambi Eleasar, Josua yaNun naawiliki yomaludhi gomomazimo gaIsrael oya topola iitopolwa mbika nokuumba oshihogololitho koshipala shOmuwa posheelo shetsalihangano muShilo. Osho ngaaka oya mana okutopola evi.