Read Oshindonga-Ombiimbeli Ondjapuki JOSUA 21 Bible Online

JOSUA 21 - Oshindonga-Ombiimbeli Ondjapuki bible

JOSUA 21

¹Aawiliki yomaludhi gAalevi oya yi komuyambi Eleasar, kuJosua yaNun nokaawiliki yomaludhi gomazimo agehe gaIsrael.

²MuShilo mevi lyaKaanan oye ya lombwele: “Omuwa okwa lombwelele Moses, tu pewe iilando yokukala mo, osho wo omaunapelo giimuna yetu momidhingoloko dhayo.”

³Onkee palombwelo lyOmuwa Aaisraeli oya kutha miitopolwa yawo yene iilando yimwe nomaunapelo e taye yi pe Aalevi.

⁴Omagumbo gomoludhi lwaKohat mezimo lyaLevi oga pewa tango iilando. Omaludhi ngoka ga za momuyambi Aaron, oga pewa iilando omulongo niitatu moshitopolwa shaJuda, shaSimeon noshaBenjamin.

⁵Oshihupe sholudhi lwaKohat osha pewa iilando omulongo moshitopolwa shaEfraim, shaDan noshaManasse kuuninginino.

⁶Oludhi lwaGerson olwa pewa iilando omulongo niitatu moshitopolwa shaIssaskar, shaAser, shaNaftali noshaManasse kuuzilo.

⁷Omagumbo gomoludhi lwaMerari oga pewa iilando omulongo niiyali moshitopolwa shaRuben, shaGad noshaSebulon.

⁸Paumbo lyoshihogololitho Aaisraeli oya pe Aalevi iilando mbika niinapelo yayo, ngashi Omuwa a li a lombwele Moses.

⁹Mpaka otapa landula omadhina giilando yomoshitopolwa shaJuda noshaSimeon, mbyoka ya pewa

¹⁰oludhi lwaKohat moluvalo lwAaron lwomezimo lyaLevi. Egandjo ndika olya ningwa tango.

¹¹Okwa pewa oshilando shaArba (Arba oye he yaAnak), shoka shi ithanwa ngashingeyi Hebron, mevi lyokoondundu dhaJuda, pamwe nomaunapelo momudhingoloko gwasho.

¹²Ihe omapya goshilando nomikunda dhasho oga li ga pewa Kaleb kaJefunne, ga kale eliko lye.

¹³Kakele kaHebron (oshilando shimwe shokwiigamena), iilando tayi tumbulwa mpaka, oya pewa oluvalo lwomuyambi Aaron: Libna,

¹⁴Jattir, Eshtemoa,

¹⁵Holon, Debir,

¹⁶Ain, Jutta naBet Shemesh pamwe nomaunapelo gayo: iilando omugoyi yomezimo lyaJuda nolyaSimeon.

¹⁷Moshitopolwa shaBenjamin oya pewa iilando ine: Gibeon, Geba,

¹⁸Anatot naAlemet pamwe nomaulithilo gayo.

¹⁹Ayihe kumwe iilando omulongo niitatu pamwe nomaulithilo gayo oya pewa aayambi yomoluvalo lwAaron.

²⁰Omagumbo galwe gAalevi moludhi lwaKohat oga pewa iilando yimwe moshitopolwa shaEfraim.

²¹Oga pewa iilando ine: Shekem nuunapelo washo mevi lyokoondundu dhaEfraim (oshilando shimwe shokwiigamena), Geser,

²²Kibzajim naBethoron nomaunapelo gayo.

²³Moshitopolwa shaDan oga pewa iilando ine: Elteke, Gibbeton,

²⁴Ajalon naGatrimmon pamwe nomaunapelo gayo.

²⁵Moshitopolwa shaManasse kuuninginino oga pewa iilando iyali: Taanak naGatrimmon nomaunapelo gayo.

²⁶Omagumbo ngaka gomoludhi lwaKohat oga taamba iilando omulongo ayihe kumwe pamwe niinapelo yayo.

²⁷Ongundu yimwe yAalevi, oludhi lwaGerson, oya pewa moshitopolwa shaManasse kuuzilo iilando iyali: Golan muBaasha (oshilando shimwe shokwiigamena) naAshtarot niinapelo yayo.

²⁸Moshitopolwa shaIssaskar oya pewa iilando ine: Kishion, Daberat,

²⁹Jarmut naEn-gannim niinapelo yayo.

³⁰Moshitopolwa shaAser oya pewa iilando ine: Mishal, Abdon,

³¹Helkat naRehob nomaulithilo gayo.

³²Moshitopolwa shaNaftali oya pewa iilando itatu: Kedesh muGalilea nomaunapelo gasho (oshilando shimwe shokwiigamena), Hammot Dor naKartan niinapelo yayo.

³³Omagumbo gomoludhi lwaGerson oga pewa iilando omulongo niitatu ayihe kumwe niinapelo yayo.

³⁴Oshihupe shAalevi, oludhi lwaMerari, osha pewa moshitopolwa shaSebulon iilando ine: Jokneam, Karta,

³⁵Dimna naNahalal niinapelo yayo.

³⁶Moshitopolwa shaRuben osha pewa iilando ine: Bezer, Jahas,

³⁷Kedemot naMefaat niinapelo yayo.

³⁸Mezimo lyaGad osha pewa iilando ine: Ramot Gilead noshinapelo shasho (oshilando shimwe shokwiigamena), Mahanaim,

³⁹Heshbon naJaser niinapelo yayo.

⁴⁰Onkee oludhi lwaMerari olwa pewa ayihe kumwe iilando omulongo niiyali.

⁴¹Kevi ndyoka Aaisraeli ye li likola, iilando ayihe kumwe omilongo ne niihetatu pamwe niinapelo momidhingoloko dhayo oya pewa Aalevi.

⁴³Osho Omuwa a pe Israel evi alihe ndyoka e li uvanekele oohekulu nokugana, e li ya pe. Sho ya mana oku li kwata po, oya tula mo.

⁴⁴Omuwa okwe ya kaleke mo nombili mevi alihe, naanaa ngaashi a adhika u uvanekele oohekulu. Kapwa li nando ogumwe maatondi yawo a vulu oku yi itakeka, oshoka Omuwa okwa pe Aaisraeli esindano okusinda aatondi yawo ayehe.

⁴⁵Omuwa okwa dhiginine euvaneko lye kehe a li u uvanekele oshigwana shaIsrael.