Read Oshindonga-Ombiimbeli Ondjapuki 2008 Genesis 36 Bible Online

Genesis 36 - Oshindonga-Ombiimbeli Ondjapuki 2008 bible

Genesis 36

¹Nduka olwo oluvalo lwaEsau, haku tiwa Edom.

²Esau okwa hokana aakulukadhi Aakaanana: Ada yaElon Omuheti, Oholibama yaAna yaZibon Omuhevi

³naBasemat yaIsmael, omumwayina gwaNebaiot.

⁴Ada okwa vala Elifas; Basemat okwa vala Reuel;

⁵naOholibama okwa vala Jeush, Jalam naKora. Aanona mbaka ayehe oya valelwa Esau muKaanan.

⁶Esau okwa kutha aakadhi, oyana aamati naakadhona naantu ye ayehe pamwe niinima ye ayihe nomaliko ge agehe a likola muKaanan e ta zi po pomumwayina Jakob e ta tembukile kevi lilwe.

⁷Okwa zi po, oshoka evi moka ya kala yo naJakob, inaa gwana mo we. Oya li ye na iimuna oyindji, noinaa vula we okukala pamwe.

⁸Esau okwa kala moshilongo shokoondundu dhaEdom.

⁹Nduka olwo oluvalo lwaEsau, hekulu yAaedom.

¹⁰Omukulukadhi gwaEsau Ada okwe mu valele omumati edhina lye Elifas. Elifas okwa li e na oyana aamati yatano: Teman, Omar, Zefo, Gatam naKenas. Timna okwa li omudhike gwaElifas yaEsau, oye nokwa valele Elifas Amalek. Omukulukadhi gwaEsau Basemat okwe mu valele omumati Reuel, naReuel okwa li e na oyanamati yane. Oyo Nahat, Sera, Shamma naMissa.

¹⁴Omukulukadhi gwaEsau Oholibama yaAna yaZibon okwe mu valele aamati yatatu: Jeush, Jalam naKora.

¹⁵Ngaka ogo omazimo goluvalo lwaEsau. Elifas, osheeli shaEsau, okwa li hekulu yomazimo ngaka taga landula mpa: lyaTeman, lyaOmar, lyaZefo, lyaKenas,

¹⁶lyaKora, lyaGatam nolyaAmalek. Nduka olwo oluvalo lwomukulukadhi gwaEsau Ada.

¹⁷Reuel yaEsau okwa li hekulu yomazimo ngaka taga landula mpa: lyaNahat, lyaSera, lyaShamma nolyaMissa. Nduka oluvalo lwomukulukadhi gwaEsau Basemat.

¹⁸MuOholibama yaAna, omukulukadhi gwaEsau, omwa zi omazimo lyaJeush, lyaJalam nolyaKora.

¹⁹Omazimo ngaka agehe ogo oluvalo lwaEsau.

²⁰Aakali yomuEdom aakulukulu oya topolwa momazimo ngoka ga za koyanamati mbaka yaSeir Omuhori: Lotan, Shobal, Zibon, Ana, Dishon, Ezer naDishan.

²²Lotan ohekulu yomaludhi gaHori naHeman. (Lotan namumwayina Timna.)

²³Shobal ohekulu yomaludhi gaAlvan, Manahat, Ebal, Shefo naOnam.

²⁴Zibon okwa li e na oyanamati yaali, Aja naAna. (Ana nguka oye ngoka i itsile oothithiya dhomeya omapyu mombuga, sho a li ta litha uusino wahe.)

²⁵Ana ohe yaDishon, ngoka a li hekulu yomaludhi gaHemdan, Eshban, Itran naKeran. Ana okwa li e na omwana omukadhona Oholibama.

²⁷Ezer ohekulu yomaludhi gaBilhan, Saavan naAkan.

²⁸Dishan ohekulu yomaludhi gaUz naAran.

²⁹Mbaka oyo aaniikandjo yomazimo gAahori mevi lyaEdom: Lotan, Shobal, Zibon, Ana, Dishon, Ezer naDishan.

³¹Aakwaniilwa mboka ya lele Edom ya landulathana muuyuni mbwiyaka, manga muIsrael kaamwa li omukwaniilwa, oyo: Bela yaBeor gwomuDinhaba Jobab yaSera gwomuBozra Husham gwokoshikandjo Teman Hadad yaBedad gwomuAvit (okwa sindi Aamidiana molugodhi moshilongo Moab). Samla gwomuMasreka Shaul gwomuRehobot shopomulonga (Eufrat) Baal-Hanan yaAkbor Hadar gwomuPau (omukadhi oMehetabel yaMatred, omutekulu gwaMe-Sahab).

⁴⁰Esau oye hekulu yaaniikandjo mbaka muEdom: Timna, Alva, Jetet, Oholibama, Ela, Pinon, Kenas, Teman, Mibzar, Magdiel naIram. Oshikandjo shoka sha li sha kalwa koludhi kehe, osha tseyika nedhina lyoludhi ndoka.