Read Oshindonga-Ombiimbeli Ondjapuki 2008 Genesis 5 Bible Online

Genesis 5 - Oshindonga-Ombiimbeli Ondjapuki 2008 bible

Genesis 5

¹Mpaka ope na omusholondondo gwoluvalo lwaAdam. (Kalunga sho a shiti aantu, okwe ya shiti ye mu fa.

²Okwe ya shiti omulumentu nomukiintu. Okwe ya laleke nuuyamba e te ya luku “aantu.”)

³Adam sho a gwanitha omimvo 130, okwa vala omumati e mu fa e te mu luku Set.

⁴Konima yokuvalwa kwaSet, Adam okwa kala nomwenyo omimvo 800 nokwa vala aamati naakadhona.

⁵Adam okwa si e na omimvo 930.

⁶Set sho a gwanitha omimvo 105, okwa vala Enos.

⁷Konima yokuvalwa kwaEnos, Set okwa kala e na omwenyo omimvo 807, nokwa vala aamati naakadhona.

⁸Set okwa si e na oomvula 912.

⁹Enos sho a gwanitha omimvo 90, okwa vala Kenan.

¹⁰Konima yokuvalwa kwaKenan, Enos okwa kala e na omwenyo omimvo 815, oye nokwa vala aamati naakadhona.

¹¹Enos okwa si e na omimvo 905.

¹²Kenan sho a gwanitha omimvo 70, okwa vala Mahalalel.

¹³Konima yokuvalwa kwaMahalalel, Kenan okwa kala e na omwenyo omimvo 840. Oye nokwa vala aamati naakadhona.

¹⁴Kenan okwa si e na omimvo 910.

¹⁵Mahalalel sho a gwanitha omimvo 65, okwa vala Jared.

¹⁶Konima yokuvalwa kwaJared, Mahalalel okwa kala e na omwenyo omimvo 830, oye nokwa vala aamati naakadhona.

¹⁷Mahalalel okwa si e na omimvo 895.

¹⁸Jared sho a gwanitha omimvo 162, okwa vala Enok.

¹⁹Konima yokuvalwa kwaEnok, Jared okwa kala e na omwenyo omimvo 800. Okwa vala aamati naakadhona.

²⁰Jared okwa si e na omimvo 962.

²¹Enok sho a gwanitha omimvo 65, okwa vala Metusala.

²²Konima yokuvalwa kwaMetusala, Enok okwe ende pamwe naKalunga omimvo 300 nokwa vala aamati naakadhona.

²³Enok okwa li e na omimvo 365.

²⁴Enok okwa longele Kalunga nokwa kana po, molwaashoka Kalunga e mu kutha po.

²⁵Metusala sho a gwanitha omimvo 187, okwa vala Lamek.

²⁶Konima yokuvalwa kwaLamek, Metusala okwa kala e na omwenyo omimvo 782 nokwa vala aamati naakadhona.

²⁷Metusala okwa si e na omimvo 969.

²⁸Lamek sho a gwanitha omimvo 182, okwa vala omumati

²⁹e ta ti: “Omunona nguka ote tu etele epupalitho netalaleko miilonga nomomaupyakadhi giikaha yetu mevi ndika lya thingwa kuKalunga” e te mu luku Noa.

³⁰Konima yokuvalwa kwaNoa, Lamek okwa kala e na omwenyo omimvo 595 nokwa vala aamati naakadhona.

³¹Lamek okwa si e na omimvo 777.

³²Noa sho a gwanitha omimvo 500, okwa vala Sem, Ham naJafet.