Read Oshindonga-Ombiimbeli Ondjapuki 2008 1 Kings 7 Bible Online

1 Kings 7 - Oshindonga-Ombiimbeli Ondjapuki 2008 bible

1 Kings 7

¹Salomo okwi itungile wo uuwa we mwene, noshe mu pula omimvo omulongo nandatu.

²Oshinyanga shomiti dhokuLibanon osha li shi na omutaandelo gwoometa 4,4, omutamo gwoometa 22 nomutumbo gwoometa 13,5. Osha li shi na omikweyo ndatu dhoongundhi dhomisedeli, momukweyo kehe omwa li oongundhi omulongo nantano dha tentekwa omiti omisendeli. Ontala yomisedeli oya li ya taandela kombanda yomala gokupungula, ngoka ga kwatwa koongundhi.

⁴Mekuma kehe lyomutaandelo omwa li omikweyo ndatu dhomakende.

⁵Omiyelo nomakende oga li gookolonela ne, nomikweyo ndatu dhomakende mekuma kehe odha li dha taalelathana.

⁶Oshinyanga shoongundhi osha li oometa 22 momutaandelo noometa 13,5 momutamo. Komeho gasho okwa li ondunda yokuthikila yi na oongundhi noshipamba sha kwidhidhika iikolo.

⁷Omakuma goshinyanga shoshipangelapundi, kokutya oshinyanga shoompangu, moka Salomo a tokolele oohapu, oga li ga siikilwa niipilangi yomisedeli okuza kolupanda sigo okontala.

⁸Omuhandjo gwaSalomo mwene ogwa li pehala handiyaka yoshinyanga shoompangu. Ogwa li gwa tungwa ngaashi omatungo omakwawo. Salomo okwa tungu wo ongulu ya tya ngaaka yomunyekadhi gwe, omufuko omuna gwomukwaniilwa gwaEgipiti.

⁹Omatungo agehe ngaka oga li ga tungwa nomamanya gondilo okuza komukanka sigo okontala. Omamanya ngaka oga li ga longekidhwa poshikuthilo shomamanya nokuteta ga yelekwa nawa, meni nokombanda oga li ga saahwa nawa.

¹⁰Omakankameno oga li ga tungwa nomamanya omanene gondilo, gamwe gomugo oga li oometa 3,5 momutaandelo, gamwe oometa 4.

¹¹Kombanda yago okwa tentekwa omamanya ga tetwa pandjele nosho wo omisedeli.

¹²Ehala enene lyotempeli, ndyoka lyomeni komeho gotempeli naandyoka lyuuwa oga li ge na edhingililokuma li na iiyalo itatu yomamanya ga hongwa noshiyalo shimwe shomiti dhomisendeli dha hongwa.

¹³Omukwaniilwa Salomo okwa tumu ko Hiram, a ka talwe koshilando Tiro.

¹⁴Okwa li omuna gwomuselekadhi mezimo lyaNaftali. Nakusa he Omutiro okwa li omuhambudhi gwoshikushu. Hiram okwa li onkulungu mokuhambula oshikushu. Okwa taamba ehiyo lyomukwaniilwa Salomo nokwe mu hambulile iinima ayihe yoshikushu ya pumbiwa.

¹⁵Hiram okwa tholoma oongundhi mbali dhoshikushu, shaa ndjoka yoometa 8 muule noometa 5,3 molumbumbu.

¹⁶Okwa hambula wo iipaka iyali yoshikushu, shaa shoka oometa 2,2 momuthika, yi tentekwe koombando dhoongundhi.

¹⁷Koshipaka shongundhi kehe okwa li uulenga wa tatwa

¹⁸nomikweyo mbali dhiiyimati yoshikushu yomuti omugranati.

¹⁹Iipaka yuule wometa 1,8 oya li ya tholomwa ya fa oongala dhomavo,

²⁰noya li ya tulwa kombanda yoshitopolwa sha ngolongwa, mpoka inaapa kala we uulenga wa tatwa. Okwa li iiyimati yomugranati omathele gaali momikweyo mbali dha kunduka oshipaka kehe.

²¹Hiram okwa tula oongundhi ndhika mbali dhoshikushu posheelo shotempeli: yimwe kombinga yokuumbugantu oya lukwa Jakin, nonkwawo kuumbangalantu oya lukwa Boas.

²²Iipaka yoshikushu molupe lwoongala dhomavo oya tentekwa koombando dhoongundhi. Osho ngaaka iilonga koongundhi ya hulithwa po thilu.

²³Hiram okwa hambula ondama yoshikushu ya ngolongwa yi na ontaakano yoometa 2,2 nomutumbo gwoometa 4,4. Olumbumbu lwayo olwa li oometa 13,2.

²⁴Koongenge dhondama okwa li uulenga womikweyo mbali dhomafano gokatanga kamuthithi, ngoka ga tholomenwa molumbumbu lwondama.

²⁵Ondama oya tentekwa koontsezi omulongo nambali dhoshikushu, ndhoka dha pilamenathana: ndatu odha taalela kuumbangalantu, ndatu okuuninginino, ndatu okuuzilo.

²⁶Oongenge dhondama odha li dhi na uupapi woomilimeta 75. Ongenge yayo oya li ya fa yekopi, ya tivulilwa kondje ya fa ongala ya sheneka. Ondama otayi gwana konyala oolita 40 000.

²⁷Hiram okwa hambula wo uutemba woshikushu omulongo. Okatemba kehe oke na omutaandelo gwometa 1,8, omutamo gwometa 1,8 nomutumbo gwometa 1,3.

²⁸Owa li wa hambulwa momayambi ga tulwa moshikundukilo.

²⁹Oge na omafano goonime, goongombe nogaakerubi. Koshikundukilo, pombanda nopohi yoonime noyoongombe, okwa li ku na uulenga woondhingila.

³⁰Okatemba kehe oka li ke na omagulu goshikushu gane nooakisa dhoshikushu. Iitakamithi yokomakuvu gokatemba oya li yi na omakwatelo ga tholomenwa kohi yomakuvu noge na uulenga woondhingila.

³¹Komulungu gwondhingila okwa li oluuli lwoosentimeta 45 momutamo noosentimeta 18 okuuka kondambo. Oya li ya takelwa uulenga.

³²Omagulu oga li ge na uule woosentimeta 66; oge li oogaali noogaali, kohi yoongenge adhihe mbali dhokatemba, nooakisa odha li kumwe nokatemba.

³³Omagulu oga li ga fa ngoka gomatembakwiita; ooakisa dhago, oofeli, iisipilingi nuumbundju oya li yoshikushu.

³⁴Kohi yomakuvu gokatemba kehe okwa li iitakamithi, mbyoka ya li kumwe nokatemba.

³⁵Kombanda yokatemba kehe okwa li oluuli lwoosentimeta 22 lwe ka kunduka. Iikwatitho yalwo oya li kumwe nokatemba.

³⁶Iikwatitho yoluuli lwako oya li ya takelwa omafano gaakerubi, goonime nogomilunga, nehala kehe lyomwaka olya li lya tulwa uulenga woondhingila.

³⁷Osho uutemba wa li wa hambulwa ngaaka, owa li wa faathana, ou thike pamwe muunene nou na olupe lumwe.

³⁸Hiram okwa hambula ishewe oombaali omulongo, okatemba kehe ombaali yako. Ombaali kehe oya li ometa 1,8 montaakano yayo notayi gwana oolata 800.

³⁹Okwa tula uutemba utano kombinga yokuumbugantu wotempeli, nuutano okwe u tula kombinga yokuumbangalantu. Ondama okwe yi tula mokolonela yokuuzilombugantu.

⁴⁰Hiram okwa longekidha wo oombiga, iihupulo niiyaha. Okwa tsakanitha ayihe mbyoka a li e na okulongela omukwaniilwa Salomo omolwotempeli yOmuwa. Mbyoka a longo, oyo mbika: Oongundhi mbali Iipaka iyali koombando dhoongundhi Uulenga wa tatwa koshipaka kehe Omafano giiyimati yomugranati yoshikushu omathele gane ya kunduka oshipaka kehe momikweyo mbali, kehe gumwe ethele limwe Uutemba omulongo Oombaalitha omulongo Ondama Oontsezi omulongo nambali dha humbata ondama Oombiga, iihupulo niiyaha. Iikwaniipangitho ayihe yotempeli mbyoka Hiram a longekidhile omukwaniilwa Salomo, oya ningwa moshikushu sha yelithwa.

⁴¹

⁴²

⁴³

⁴⁴

⁴⁵

⁴⁶Omukwaniilwa okwe yi tholomitha ayihe moshitholomeno pokati kaSukkot naSaretan molusilu lwaJordan.

⁴⁷Salomo ina yelekitha iinima mbika, oshoka oya li oyindji noonkondo; inayi yelekwa nando olumwe.

⁴⁸Salomo okwa hambulithile otempeli iiyopalekithi yilwe wo: Oshiyambelo, oshitaafula shiikwiila iiyapuki,

⁴⁹iihukikwanyeka omulongo, mbyoka ya li komeho gEhala lyUuyapukielela, itano kuumbugantu niitano kuumbangalantu; oongala, oolamba niikonde yokutetitha uulapi woolamba;

⁵⁰iiyaha, iimbele, omatemba, iitsininitho niikangwa yomakala; nomakandula gomiyelo dhEhala lyUuyapukielela nogomiyelo dhela lya tetekela. Iinima mbika ayihe oya ningwa moshingoli.

⁵¹Omukwaniilwa Salomo sho a mana iilonga yotempeli, okwa tula moompungulilo dhayo iinima ayihe mbyoka he David a li e yi yoololele Omuwa — iisiliveli, iingoli niinima iikwawo.