Read Oshindonga-Ombiimbeli Ondjapuki 2008 1 Chronicles 2 Bible Online

1 Chronicles 2 - Oshindonga-Ombiimbeli Ondjapuki 2008 bible

1 Chronicles 2

¹Jakob okwa li e na oyanamati omulongo nayaali. Oyo Reuben, Simeon, Levi, Juda, Issaskar, Sebulon,

²Dan, Josef, naBenjamin, Naftali, Gad naAser.

³Juda okwa li e na oyanamati ayehe kumwe yatano. Omukadhi Bathshua, Omukaanani, okwe mu valele aamati yatatu: Er, Onan naShela. Osheeli she Er osha li inaashi opalela Omuwa, nOmuwa okwe shi dhipaga.

⁴Oshitenya she Tamar oshe mu valele Perez naSera.

⁵Perez okwa li e na oyanamati yaali, Hezron naHamul.

⁶Omumwayina Sera okwa li e na oyanamati yatano: Simri, Etan, Heman, Kalkol naDarda.

⁷Aran kaKarmi, gumwe gwomoluvalo lwaSera, okwe eta omupya mAaisraeli, sho a yaka iinima ya dhilikilwa Kalunga.

⁸Etan okwa li e na omwanamati gumwe, Azaria.

⁹Hezron okwa li e na oyanamati yatatu: Jerakmeel, Ram naKaleb.

¹⁰Ompola yezimo okuza Ram sigo Isai oyo ndjika: Ram, Aminadab, Nahshon (omunedhina gwomezimo lyaJuda),

¹¹Salmon, Boas,

¹²Obed naIsai.

¹³Isai okwa li e na oyanamati yaheyali. Osheeli Eliab, ontowele Abinadab, shilandula Shamma,

¹⁴omutine Netanel, omutitano Raddai,

¹⁵omutihamano Ozem nonkelo David.

¹⁶Okwa li wo e na oyanakadhona yaali, Zeruia naAbigal. Zeruia yaIsai okwa li e na oyanamati yatatu: Abisai, Joab naAsahel.

¹⁷Nomwana Abigal okwa hokanwa kuJeter, gwomoluvalo lwaIsmael, noyo ya li ye na omunona omumati edhina lye Amasa.

¹⁸Kaleb kaHezron okwa hokana Asuba e ta vala omukadhona edhina lye Jeriot. Oyanamati yatatu oyo mbaka: Jesher, Shobab naArdon.

¹⁹Asuba sho a si, Kaleb okwa hokana Efrata e te mu valele Hur.

²⁰Omuna gwaHur oye Uri, naUri okwa valelwa Bezalel.

²¹Hezron sho a gwanitha omimvo omilongo hamano, okwa hokana omuna gwaMakir, mumwayina gwaGilead. Oya vala omumati edhina lye Segub,

²²naSegub okwa li e na omwanamati edhina lye Jair. Jair okwa li ta lele iilando omilongo mbali niitatu moshikandjo shaGilead.

²³Ihe iilongo Geshur naAram oya lala omikunda dhaankoka omilongo hamano, mwa kwatelelwa mo omikunda dhaJair naKenat nomikunda dhomuushiinda wadho. Aantu ayehe mboka ya li hoka, oyo oluvalo lwaMakir, he yaGilead.

²⁴Hezron sho a si, omwana Kaleb okwa hokana Efrata, omuselekadhi gwahe, noya vala omumati edhina lye Ashhur, ngoka a toto po oshilando Tekoa.

²⁵Jerahmeel, osheeli shaHezron, okwa li e na oyanamati yatano: Ram, osheeli, Buna, Oren, Ozem naAhija.

²⁶Ram okwa li e na oyanamati yatatu: Maaz, Jamin naEker. Jerahmeel okwa li e na po omukulukadhi gulwe edhina lye Atara, ngoka e mu valele Onam.

²⁷

²⁸Onam okwa li e na oyanamati yaali, Shammai naJada. Shammai okwa li e na oyanamati yaali, Nadab naAbishur.

²⁹Abishur okwa hokana omukulukadhi edhina lye Abihail, noya li ye na oyanamati yaali, Ahban naMolid.

³⁰Nadab, mumwayina gwaAbishur, okwa li e na oyanamati yaali, Seled naAppaim, ihe Seled okwa si kee na omunona.

³¹Appaim okwa vala Ishi, Ishi okwa vala Sheshan, naSheshan okwa vala Ahlai.

³²Jada, mumwayina gwaShammai, okwa li e na oyanamati yaali, Jeter naJonatan, ihe Jeter okwa si inaa vala omumati.

³³Jonatan okwa li e na oyanamati yaali, Pelet naSasa. Mbaka ayehe oyo oluvalo lwaJerahmeel.

³⁴Sheshan ka li e na oyanamati, ihe okwa li a vala owala aakadhona. Okwa li e na omupiya Omuegipiti edhina lye Jarha.

³⁵Sheshan okwe mu pe, a hokane po gumwe gwomoyanakadhona. Oya vala omumati, ngoka a lukwa Attai.

³⁶Ompola yezimo okuza kuAttai sigo okuElishama oyo: Attai, Natan, Sabad,

⁴¹Jekamia naElishama.

⁴²Osheeli shaKaleb, mumwayina gwaJerahmeel, osha li Mesha. Mesha okwa vala Sif, ngoka a vala Maresha, he yaHebron.

⁴³Hebron okwa li e na oyanamati yane: Kora, Tappua, Rekem naShema.

⁴⁴Shema okwa vala Raham, Raham okwa vala Jorkeam. Mumwayina gwaShema Rekem okwa vala Shammai,

⁴⁵ngoka he yaMaon, ngoka a vala Bet Sur.

⁴⁶Kaleb okwa li e na ohonda edhina lyayo Efa, noye mu valele aamati yatatu. Oyo Haran, Moza naGases. Haran naye wo okwa li e na omumati edhina lye Gases.

⁴⁷(Omusamane gumwe haku tiwa oJahdai, okwa li e na oyanamati yahamano: Regem, Jotam, Geshan, Pelet, Efa naShaaf.)

⁴⁸Kaleb okwa li e na ishewe ohonda edhina lyayo Maaka, ndjoka ye mu valele aamati yaali, Sheber naTirhana.

⁴⁹Konima oya gwedha ko ishewe aamati yaali: Shaaf, ngoka a toto po omukunda Madmanna, naSheva, ngoka a toto po omukunda Makbena naGibea. Natango Kaleb okwa li e na omwanakadhona edhina lye Aksa.

⁵⁰Naambaka wo oluvalo lwaKaleb. Hur oye osheeli shaKaleb nomukadhi Efrata. Osheeli shaHur Shobal okwa tungu Kiriat Jearim.

⁵¹Salma yaHur okwa tungu po Betlehem, naHaref yaHur okwa tungu po Betgader.

⁵²Shobal, omutungipo gwaKiriat Jearim, okwa li hekulu yoludhi lwaHaroe noyetata lyaakalimo muMenuhot.

⁵³Omaludhi muKiriat Jearim oga li Aajeter, Aaput, Aashumati nAamishrai. (Aantu yomiilando Soar naEshtaol oya li iilyo yomaludhi ngoka.)

⁵⁴Salma, omutungipo gwaBetlehem, oye hekulu yaakalimo muNetofa, muAtrot Bet Joab, yetata lyaakalimo muManahat noyaakalimo muZora.

⁵⁵(Omaludhi ngaka ga kala muJabez, oga li aanongo momishangwa nomomanyolo: Aatirati, Aashimati nAasukati. Oya li Aakeni mboka ya hokanathana naantu yomuRekab.)