Read Oshindonga-Ombiimbeli Ondjapuki 2008 1 Chronicles 6 Bible Online

1 Chronicles 6 - Oshindonga-Ombiimbeli Ondjapuki 2008 bible

1 Chronicles 6

¹Levi okwa li e na oyanamati yatatu: Gerson, Kohat naMerari.

²Kohat okwa li e na oyanamati yane: Amram, Izhar, Hebron naUssiel.

³Amram okwa li e na oyanamati yaali, Aaron naMoses, nomukadhona gumwe Miriam. Aaron okwa li e na oyanamati yane: Nadab, Abihu, Eleasar naItamar.

⁴Oluvalo lwaEleasar okuza kepipi nepipi olwo ngaashi talu landula mpaka: Pinehas, Abishua,

¹⁰Azaria (oye ngoka a yakula motempeli ndjoka Salomo a tungu muJerusalem),

¹⁵Omukwaniilwa Nebukadnezzar okwa kwata po Jehosadak pamwe nAajuda yalwe nAajerusalem mboka Omuwa e ya undulile muupika.

¹⁶Levi okwa li e na oyanamati yatatu: Gerson, Kohat naMerari.

¹⁷Kehe gumwe gwaambaka okwa li e na oyanamati. Gerson okwa vala Libni naShimei;

¹⁸Kohat okwa vala Amram, Izhar, Hebron naUssiel;

¹⁹naMerari okwa vala Mahli naMushi.

²⁰Omaluvalo gaGerson okuza kepipi nepipi ogo ngaka: Libni, Jahat, Simma,

²¹Joa, Iddo, Sera, Jeaterus.

²²Omaluvalo gaKohat okuza kepipi nepipi ogo ngaka: Aminadab, Kora, Assir,

²³Elkana, Abiasaf, Assir,

²⁴Tahat, Uriel, Ussia, Shaul.

²⁵Elkana okwa li e na oyanamati yaali, Amasai naAhimot.

²⁶Omaluvalo gaAhimot okuza kepipi nepipi ogo ngaka: Elkana, Zofai, Nahat,

²⁷Eliab, Jeroham, Elkana.

²⁸Samuel okwa li e na oyanamati yaali, osheeli Joel nonkelo Abia.

²⁹Omaluvalo gaMerari okuza kepipi nepipi ogo ngaka: Mahli, Libni, Shimei, Ussa,

³⁰Shimea, Haggia, Asaia.

³¹Okwa li ku na aalumentu mboka omukwaniilwa David e ya langekele mesiloshimpwiyu lyolwiimbo mehala lyelongelokalunga muJerusalem, oshikethahangano sho she etwa nkoka.

³²Pamalufo oyo ya li aayimbi komeho getsalihangano lyOmuwa, sigo opethimbo ndyoka omukwaniilwa Salomo sho a tungu otempeli.

³³Ompola yomazimo gaamboka ya li ya tonatele iilonga mbika, oyo ndjika: Moludhi lwaKohat: Heman yaJoel okwa li omuwiliki gwongundulwiimbo yotango. Ompola yezimo lye oya za kuJakob, ngaashi tashi landula mpaka; Heman yaJoel yaSamuel

³⁴yaElkana lyaJeroham yaEliel lyaTooa

³⁵yaZuf yaElkana lyaMahat gaAmasai

³⁶gaElkana lyaJoel yaAzaria yaSefania

³⁷yaTahat yaAssir yaAbiasaf yaKora

³⁸yaIzhar yaKohat yaLevi yaJakob.

³⁹Asaf okwa li omuwiliki gwongundulwiimbo ontiyali. Ompola yezimo lye oya za kuLevi, ngaashi tashi landula: Asaf yaBerekia yaShimea

⁴⁰shaMikael yaMaaseia gaMalkija

⁴¹gaEtni lyaSera yaAdaia

⁴²yaEtan lyaSimma lyaShimei

⁴³shaJahat yaGerson yaLevi.

⁴⁴Etan gwomoludhi lwaMerari okwa li omuwiliki gwongundulwiimbo ontintatu. Ompola yezimo lye sigo okuLevi oyo ndji: Etan, Kishi, Abdi, Malluk,

⁴⁵Hashabia, Amazia, Hilkia,

⁴⁶Amzi, Bani, Shemer,

⁴⁷Mahli, Mushi, Merari, Levi.

⁴⁸Aalevi ooyakwawo ayehe oya li yu uthilwa iilonga yokuyakula metsalihangano.

⁴⁹Aaron noluvalo lwe oya lungunitha iitsininondjambo nomafikilondjambo koshiyambelo. Oya li aasilishimpwiyu yelongelokalunga alihe mEhala lyUuyapukielela noyomayonondjambo ngoka taga dhimitha po oondjo dhAaisraeli kuKalunga. Oya longo ayihe mbika pamalombwelo ga gandjelwe kuMoses, omumati gwaKalunga.

⁵⁰Ompola yoluvalo lwaAaron oyo ndjika: Eleasar, Pinehas, Abishua,

⁵¹Bukki, Ussi, Serahia,

⁵²Meraiot, Amaria, Ahitub,

⁵³Sadok, Ahimaaz.

⁵⁴Iikandjo ya pewa oluvalo lwaAaron lwoludhi lwaKohat oyo mbika. Oya taamba oshitopolwa shotango shevi lya pewa Aalevi.

⁵⁵Osha kwatelele mo Hebron moshikandjo shaJuda nomalundu gomaunapelo ge shi kunduka.

⁵⁶Ihe omapya nomikunda dhoshilando odha pewa Kaleb kaJefunne.

⁵⁷Iilando mbika oya pewa oluvalo lwaAaron: Hebron, oshilando shokwiigamena, Jattir, Libna, Eshtemoa, Hilen, Debir, Ashan naBet Shemesh pamwe nomaunapelo gayo.

⁵⁸

⁵⁹

⁶⁰Moshikandjo shaBenjamin oya pewa iilando tayi landula, pamwe nomaunapelo gayo: Geba, Alemet naAnatot. Oya pewa iilando omulongo niitatu yokukala mo omaludhi gawo.

⁶¹Moshikandjo shaManasse kuuninginino iilando omulongo oya pewa mo pashihogololitho oshihupe sholudhi lwaKohat, egumbo negumbo.

⁶²Omagumbo moludhi lwaGerson oga pewa iilando omulongo niitatu miikandjo yaIssaskar, Aser, Naftali naManasse kuuzilo muBaasha.

⁶³Omagumbo moludhi lwaMerari oga pewa pashihogololitho iilando omulongo niiyali miikandjo yaReuben, Gad naSebulon.

⁶⁴Osho Aaisraeli oya pe Aalevi iilando yokukala mo, pamwe nomaunapelo ge yi kunduka.

⁶⁵(Iilando mbyoka ya tumbulwa yomiikandjo yaJuda, Simeon naBenjamin, nayo wo oya gandjwa nokuumbilwa oshihogololitho.)

⁶⁶Omagumbo gamwe goludhi lwaKohat oga pewa iilando nomaunapelo moshikandjo shaEfraim:

⁶⁷Shekem, oshilando shokwiigamena koondundu dhaEfraim, Geser,

⁶⁸Jokmeam, Bethoron,

⁶⁹Ajalon naGatrimmon.

⁷⁰Moshikandjo shaManasse kuuninginino oya pewa iilando Aner naBileam nomaunapelo ge yi kunduka.

⁷¹Omagumbo goludhi lwaGerson oga pewa iilando niinapelo yayo, ngaashi tashi landula mpa. Moshikandjo shaManasse kuuzilo: Golan muBaasha naAshtarot.

⁷²Moshikandjo shaIssaskar: Kedesh, Daberat,

⁷³Ramot naAnem.

⁷⁴Moshikandjo shaAser: Mashal, Abdon,

⁷⁵Hukok naRehob.

⁷⁶Moshikandjo shaNaftali: Kedesh muGalilea, Hammon naKiriataim.

⁷⁷Omagumbo ga hupu ko goludhi lwaMerari oga pewa iilando nomaunapelo ge yi kunduka, ngaashi tashi landula mpa. Moshikandjo shaSebulon: Rimmono naTabor.

⁷⁸Moshikandjo shaReuben, kuuzilo womulonga Jordan handiyaka yaJeriko: Bezer mombuga, Jahsa,

⁷⁹Kedemot naMefaat.

⁸⁰Moshikandjo shaGad: Ramot muGilead, Mahanaim,

⁸¹Heshbon naJaser.