Read Oshindonga-Ombiimbeli Ondjapuki 2008 1 Chronicles 7 Bible Online

1 Chronicles 7 - Oshindonga-Ombiimbeli Ondjapuki 2008 bible

1 Chronicles 7

¹Issaskar okwa li e na oyanamati yane: Tola, Pua, Jashub naShimron.

²Tola okwa li e na oyanamati yahamano. Oyo Ussi, Refaia, Jeriel, Jahmai, Ibsam naShemuel. Oyo ya li aakuluntu yomagumbo goludhi lwaTola noya li aakwiita oofule. Muuyuni womukwaniilwa David oya li ye thike po 22 600.

³Ussi okwa li e na eponamati Izrahia. Izrahia okwa li e na oyanamati yane: Mikael, Obadia, Joel naIsshia. Ayehe oya li aawiliki.

⁴Oya li ye na aakulukadhi oyendji naanona oyendji, nomaluvalo gawo oga ningi etangakwiita lyaalumentu 36 000.

⁵Mondjalula yezimo alihe lyaIssaskar omwa li aalumentu oofule 87 000 mboka ya vulu okuya miita.

⁶Benjamin okwa li e na oyanamati yatatu: Bela, Beker naJediael.

⁷Bela okwa li e na oyanamati yatano: Ezbon, Ussi, Ussiel, Jerimot naIri. Oya li aakuluntu yomagumbo moludhi ndoka noya li aakwiita ya simana. Omaluvalo gawo oga kwatelele mo aalumentu 22 034 mboka taa vulu okuya miita.

⁸Beker okwa li e na oyanamati omugoyi: Semira, Joas, Elieser, Elioenai, Omri, Jeremot, Abia, Anatot, naAlemet.

⁹Ondjalula yomaluvalo gawo pamagumbo oya kwatelele mo aalumentu 20 200 mboka taa vulu okuya miita.

¹⁰Jediael okwa li e na eponamati Bilhan. Bilhan okwa li e na oyanamati yaheyali: Jeush, Benjamin, Ehud, Kenaana, Setan, Tarshish naAhishahar.

¹¹Oya li aakuluntu yomagumbo moludhi ndoka noya li aakwiita ya simana. Omaluvalo gawo oga kwatelele mo aalumentu 17 200 mboka taa vulu okuya miita.

¹²Shuppim naHuppim oya li aana yaIr, Hushim aana yaAher.

¹³Naftali okwa li e na oyanamati yane: Jahziel, Guni, Jezer naShallum. (Mbaka aana yaBilha.)

¹⁴Ohonda yaManasse Omuaramea oye mu valele oyanamati yaali, Asriel naMakir. Makir okwa vala Gilead.

¹⁵Makir okwa kongele Huppim omukiintu, osho wo Shuppim. Edhina lyamumwayina omukiintu oMaaka. Omuna gwaMakir omumati omutiyali oZelofhad, nokwa li e na oyana aakadhona ayeke.

¹⁶Omukulukadhi gwaMakir Maaka okwa vala aamati yaali mboka e ya luku Peresh naSheresh. Peresh okwa li e na oyanamati yaali, Ulam naRakem.

¹⁷Ulam okwa li e na omwanamati edhina lye Bedan. Nduka oluvalo lwaGilead yaMakir, omutekulu gwaManasse.

¹⁸Omumwayina gwaGilead omukiintu Hammoleket okwa li e na oyanamati yatatu: Ishod, Abieser naMahla.

¹⁹(Shemida okwa li e na oyanamati yane: Ahian, Shekem, Likhi naAniam.)

²⁰Omaluvalo gaEfraim okuza kepipi nepipi ogo Shuthela, Bered, Tahat, Eleada, Tahat,

²¹Sabad, Shuthela. Efraim okwa li e na oyanamati yalwe yaali ontega naShuthela, Ezer naElead, mboka ya dhipagwa, sho ya li taa yugu iimuna yaakalimo muGat.

²²He Efraim okwe ya lili oosa omasiku ogendji, naamwayina oye ya oku mu hupulutha.

²³Nena okwa lalulula nomukadhi e ta ningi omusimba e ta vala omumati. Oye mu luku Beria, oshoka okwa valwa pethimbo lyuudhigu megumbo lyawo.

²⁴Efraim okwa li e na omwanakadhona edhina lye Sheera. Okwa tungu iilando yopombanda noyopevi Bethoron naUssen Sheera.

²⁵Efraim okwa li e na wo omwanamati edhina lye Refa, ngoka oluvalo lwe lwa li Reshef, Telah, Tahan,

²⁶Ladan, Ammihud, Elishama,

²⁷Nun, Josua.

²⁸Oshikandjo shoka ya taamba noya kala mo, osha kwatelele mo Betel nomikunda dhe shi kunduka sigo oNaaran kuuzilo nokuGeser kuuninginino nomikunda dhe shi kunduka. Osha kwatelele mo ishewe iilando Shekem naAyya nomikunda dhe yi kunduka.

²⁹Omaluvalo gaManasse oga li taga pangele iilando Betshan, Taanak, Megiddo naDor nomikunda dhe yi kunduka. Agehe ngaka ogo omahala ga kalwa koluvalo lwaJosef yaJakob.

³⁰Mpaka ope na oluvalo lwaAser. Okwa li e na oyanamati yane: Imna, Ishva, Ishvi naBeria, nomukadhona Sera.

³¹Beria okwa li e na oyanamati yaali, Heber naMalkiel. (Malkiel oye omutotipo gwoshilando Birsait.)

³²Heber okwa li e na oyanamati yatatu: Jaflet, Shomer naHotam, nomukadhona gumwe Shua.

³³Jaflet okwa li e na oyanamati yatatu: Pasak, Bimhal naAshvat.

³⁴Mumwayina Shomer okwa li e na oyanamati yatatu: Rohga, Jehubba naAram.

³⁵Mumwayina Hotam okwa li e na oyanamati yane: Zofah, Imna, Shelesh naAmal.

³⁶Oluvalo lwaSofah olwa li Suah, Harnefer, Shual, Beri, Imra,

³⁷Bezer, Hod, Shamma, Shilsha, Itran naBeera.

³⁸Oluvalo lwaJeter olwo Jefunne, Pispa naAra,

³⁹noluvalo lwaUlla olwo Arah, Hanniel naRizia.

⁴⁰Ayehe mbaka omaluvalo gaAser. Oya li aakuluntu yomagumbo, aakwiita ya simana, aawiliki ya pyokoka. Oluvalo lwaAser olwa li lu na aalumentu 26 000 mboka taa vulu okuya miita.