Read Oshindonga-Ombiimbeli Ondjapuki 2008 Ezra 10 Bible Online

Ezra 10 - Oshindonga-Ombiimbeli Ondjapuki 2008 bible

Ezra 10

¹Esra manga a li a nyongama megalikano komeho gotempeli, ta lili ye ta hempulula oondjo ndhika, ongundu onene yAaisraeli — aalumentu, aakulukadhi naanona — oye mu gongalele taa lili omahodhi omapyu.

²Nena Shekania yaJehiel gwomoludhi lwaElam okwa ti kuEsra: “Otwi iteka Kalunga, sho twa ushike aakiintu aakwiilongo. Ihe nando ongeyi, Israel oku na ngaa etegameno.

³Ngashingeyi natu ningeni euvaneko lya kola kuKalunga ketu kutya tse otatu tidha po aakulukadhi mboka noyana, ya shune. Otatu ka ninga pamayele goye nogaamboka haa simaneke iipango yaKalunga. Otatu ka ninga shoka tashi pulwa kompango yaKalunga.

⁴Oshinima shika oshi li moshikaha shoye. Otatu ku pulakene. Kala nomukumo e to ke shi tsakanitha.”

⁵Esra okwa tameke okuganitha aawiliki yaayambi, yAalevi noyoshihupe shoshigwana, ya ninge shoka Shekania a faneke.

⁶Nena okwa zi ko komeho gotempeli e ta yi mongulu yaJehohanan yaEliashib e ta lala moka uusiku a sa oluhodhi molwokwaaneitaalo kwaantu mboka ya zi muupika. Ina lya ye ina nwa sha.

⁷Elaka olya tumwa muJerusalem nomuJuda ashihe kutya ayehe mboka ya galuka muupika, naa tsakanene muJerusalem

⁸palombwelo lyaawiliki yoshigwana. Ngele ope na ngoka itee ya ko momasiku gatatu, omaliko ge agehe otaga ka hanagulwa po e ta kondwa mo megongalo lyaamboka ya galuka muupika.

⁹Momasiku gatatu, mesiku etimilongombali lyomwedhi omutimugoyi, aasamane ayehe mboka ya li moshikandjo shaJuda naBenjamin, oye ya kuJerusalem e taa gongala mehale lyotempeli. Oya li taa kakama omolwondjundo yoshigongi nomolwomvula yepoola.

¹⁰Omuyambi Esra okwa thikama e te ya uvithile ta ti: “Omwi iteka Kalunga e tamu etele Israel ombedhi, sho mwa hokana aakulukadhi yokiilongo.

¹¹Ngashingeyi hempululeni ano oondjo dheni kOmuwa, Kalunga koohokulu, ne mu ninge shoka she mu opalela. Iyoololeni ko ne yene kaakwiilongo ya kala mevi lyetu, mu ethe po aakulukadhi yeni aakwiilongo.”

¹²Oshigongi ashihe osha yamukula newi enene sha ti: “Otatu ningi shoka to ti.

¹³Ihe otu li po oyendji ko ku na wo omvula. Itatu vulu okukala othika mpaka puuyelele. Shika kashi shi wo oshinima tashi ningwa mesiku limwe nenge gaali, oshoka tse oyendji otwa kwatakana nondjo ndjika.

¹⁴Omalenga getu naga kale muJerusalem, opo ga sile oshinima shika oshimpwiyu. Nena shaa ngoka a hokana omukulukadhi omukwiilongo, ne ye mesiku lyu uthwa pamwe naawiliki naatokolihapu yoshilando shaandjawo. Pamukalo nguka ondjahi yaKalunga otayi ke tu gamuka.”

¹⁵Kapwa li ngoka a kondjitha ondunge ndjika, shila oJonatan yaAsahel naJahseia yaTikva, mboka ya kolekwa kuMeshullam nOmulevi Shabbetai.

¹⁶Aagaluki muupika oya taamba epukululo ndika. Omuyambi Esra okwa hogolola aalumentu mokati kaakuluntu yomaludhi e ta tseyitha omadhina gawo. Mesiku lyotango lyomwedhi omutimugoyi oya tameke ekonakono lyawo,

¹⁷nomoomwedhi ndatu dha landula oya konakona aasamane ayehe ye na aakulukadhi yokiilongo.

¹⁸Nguka omusholondondo gwaasamane mboka ya hokana aakulukadhi yokiilongo: Omaluvalo gaayambi pamaludhi gago: Oludhi lwaJosua yaJehosadak naamwayina: Maaseia, Elieser, Jarib naGedalia.

¹⁹Oyu uvaneke, ya henge po aakulukadhi yawo e taa yamba onzi ondumentu omolwoondjo dhawo.

²⁰Oludhi lwaImmer: Hanani naSebadia.

²¹Oludhi lwaHarim: Maaseia, Elia, Shemaia, Jehiel naUssia.

²²Oludhi lwaPashhur: Elioenai, Maaseia, Ismael, Netanel, Josabad naElasa.

²³Aalevi: Josabad, Shimei, Kelaia (haku tiwa Kelita), Petahia, Juda naElieser.

²⁴Aaimbi: Eliashib. Aalangeli yotempeli: Shallum, Telem naUri.

²⁵Yalwe: Oludhi lwaParosh: Ramia, Issia, Malkija, Mijamin, Eleasar, Malkija naBenaia.

²⁶Oludhi lwaElam: Mattania, Sakaria, Jehiel, Abdi, Jeremot naElia.

²⁷Oludhi lwaSattu: Elioenai, Eliashib, Mattania, Jeremot, Sabad naAsisa.

²⁸Oludhi lwaBebai: Jehohanan, Hanania, Sabbai naAtlai.

²⁹Oludhi lwaBani: Meshullam, Malluk, Adaia, Jashub, Sheal naJeremot.

³⁰Oludhi lwaPahat Moab: Adna, Kelal, Benaia, Maaseia, Mattania, Bezalel, Binnui naManasse.

³¹Oludhi lwaHarim: Elieser, Ishija, Malkija, Shemaia, Simeon, Benjamin, Malluk naShemaria.

³³Oludhi lwaHashum: Mattenai, Mattatta, Sabad, Elifelet, Jeremai, Manasse naShimei.

³⁴Oludhi lwaBani: Maadai, Amram, Uel, Benaia, Bedeia, Keluhi, Vania, Meremot, Eliashib, Mattania, Mattanai naJaasu.

³⁸Oludhi lwaBinnui: Shimei, Shelemia, Natan, Adaia, Maknadebai, Shashai, Sharai, Asarel, Shelemia, Shemaria, Shallum, Amaria naJosef.

⁴³Oludhi lwaNebo: Jeiel, Mattitia, Sabad, Sebina, Jaddai, Joel naBenaia.

⁴⁴Aasamane ayehe mbano oya li ya hokana aakulukadhi aakwiilongo. Oye ya henge po e taye ya shunitha pamwe noyana.