Read Oshindonga-Ombiimbeli Ondjapuki 2008 Exodus 24 Bible Online

Exodus 24 - Oshindonga-Ombiimbeli Ondjapuki 2008 bible

Exodus 24

¹Omuwa okwa lombwele Moses a ti: “Londa kondundu u ye kungame pamwe naAaron, Nadab, Abihu naawiliki yaIsrael omilongo heyali; nomanga mu li kokule kashona, inyongameneni megalikano.

²Ongoye awike to hedha popepi nangame; yalwe inaa hedha ko. Aantu inaa londa kondundu!”

³Moses okwa yi e ta lombwele aantu iipango yaKalunga ayihe nomautho ge agehe, aantu ayehe noya yamukula ya ti: “Otatu ningi ayihe mbyoka Omuwa a popi.”

⁴Moses okwa nyola oohapu adhihe ndhoka dha popiwa kOmuwa. Ongula onene okwa meneka e ta tungu oshiyambelo ponyonga yondundu e ta dhike po omamanya omulongo nagaali, kehe limwe lyomazimo gaIsrael omulongo nagaali.

⁵Okwa tumu aamati, oyo noya fikile Omuwa omafikilondjambo e taa yamba iimuna yimwe omakwatathanondjambo.

⁶Moses okwa kutha etata lyombinzi yiimuna e te yi tula miiyaha, etata ekwawo okwe li shashamine oshiyambelo.

⁷Nena okwa kutha embo lyehangano, moka mwa nyolelwa iipango yOmuwa e te li leshele aantu mokule. Oya ti: “Otatu vulika kOmuwa e tatu ningi ashihe sho ta ti.”

⁸Nena Moses okwa kutha ombinzi miiyaha e te yi shashamine aantu ta ti: “Ombinzi ndjika oyehangano ndyoka Omuwa a hangana nane, sho a gandja iipango mbika ayihe.”

⁹Moses, Aaron, Nadab, Abihu naawiliki yaIsrael omilongo heyali oya londo kondundu

¹⁰noya mono Kalunga kaIsrael. Meni lyoompadhi dhe omwa li mu na oshinima sha fa olupanda lwoosafire, tashi tayima sha fa egulu lyo lyene.

¹¹Kalunga ina ganeka oshikaha she a gume aawiliki yaIsrael. Oya tala Kalunga noya li e taya nu.

¹²Omuwa okwa lombwele Moses a ti: “Londa kondundu u ye kungame, ongame notandi ku pe iipelende yomamanya, moka mu na oompango adhihe ndhoka nda nyola okukumagidha aantu.”

¹³Moses nomuyakuli gwe Josua oyi ilongekidha, naMoses okwa tameke okulonda kondundu yaKalunga.

¹⁴Moses okwa lombwele aawiliki a ti: “Tu tegeleleni mpaka montanda, sigo tatu galuka. Aaron naHur oyo mbaka ye li pune; ngoka e na oontamanana, ne ye kuyo.”

¹⁵Moses okwa londo kondundu Sinai, noshikogo oshe yi siikile.

¹⁶Eadhimo lyokukalapo kwOmuwa olya kulukile kondundu. KAaisraeli eadhimo olya li lya fa uuyelele weziko enene kondungu yondundu. Oshikogo osha siikile ondundu omasiku gahamano, nomesiku etiheyali Omuwa okwi igidha Moses moshikogo.

¹⁸Moses okwa londo kondundu a yi moshikogo. Omasiku omilongo ne okwa kala kondundu omutenya nuusiku.