Read Oshindonga-Ombiimbeli Ondjapuki 2008 Job 19 Bible Online

Job 19 - Oshindonga-Ombiimbeli Ondjapuki 2008 bible

Job 19

¹Sigo uunake tamu ehameke ndje notamu alula ndje noohapu?

³Omwa hindi ndje lwomulongo nomwa ponokele ndje mwaa na nando ohoni.

⁴Ngele oshoshili kutya onda puka, nena omapuko gandje oshinima shandje mwene.

⁵Omwa hala mu hololele ndje einenepeko lyeni, ne mu tompe ndje molwaasho ndi ishonopeka.

⁶Tseyeni kutya Kalunga oye a ningi ngaaka, hane! Oye a tula ndje melulo.

⁷Nonando onda kugu nda ti: “Onda lundilwa!” Ine mona eyamukulo. Nando nda pula ekwatho, inandi mona eutho.

⁸Kalunga okwa thitike ondjila yandje, ite vulu we okutsikila ko; epola lyandje okwe li siikile omilema.

⁹Okwa hula ndje esimano neliko, noshishani shandje okwe shi kutha ko komutse.

¹⁰Okwa tuulagula ndje e tandi hulu po; etegameno lyandje okwe li vudha mo ngaashi omuti.

¹¹Ondjahi ye oya hwamene ndje, nokwa yalulile ndje mokati kaatondi ye.

¹²Aakwiita ye otaa ponokele ndje; otaa tungile ndje ekondeka notaa yungu oontanda dha kunduka etsali lyandje.

¹³Okwa kutha ndje aamwameme; aashiwikile yandje okwe ya ningi yaa shi ndje we.

¹⁴Aakwetu oye li ndje kokule, ookuume kandje oya dhimbwa ndje.

¹⁵Aatalelipo megumbo lyandje naamboka haa yakula ndje, kaye shi ndje we; onda ningi omukwiilongo momeho gawo.

¹⁶Nando ndi ithane omupiya gwandje, iti itaale, nando ndi mu indile neifupipiko, ita pe ndje.

¹⁷Onda tondwa nokomukulukadhi gwandje, onda ningi iikungitha mokati kaamwameme.

¹⁸Nuumatyona otau nyonkele ndje; sho te yambuka po, otau sheke ndje.

¹⁹Ookuume kandje lela oya tonda ndje, aaholike yandje oya pilukila ndje.

²⁰Oshipa shandje osha kakatela komasipa; oontumba dhokoshama odho adhike ndi na.

²¹Silii ndje ohenda, silii ndje ohenda, ookuume kandje! Oshikaha shaKalunga osha dhenge ndje.

²²Omolwashike tamu lambalala ndje mwa fa one Kalunga? Inamu vulwa ndje nani?

²³Akutu, oohapu dhandje ando odha li dha nyolwa, dha shangelwa mondhingambo,

²⁴nenge dha negelwa memanya nopena yosheela, nena otadhi kala sigo aluhe.

²⁵Ondi shi shi kutya Omukulili gwandje oku na omwenyo; pehulilo ota ka thikama kevi.

²⁶Olutu lwandje nando nalu yonagulwe po, nonatango tuu otandi ka mona Kalunga ndi li molutu.

²⁷Ngame otandi ke mu mona nomeho gandje mwene, hagulwe. Omwenyo gwandje ogu na ngiini ondjuulukwe onene!

²⁸Ngele tamu ti: “Otatu mu ehameke nomukalo guni? Uudhigu oye mwene e u iyetele.”

²⁹Onkee ano, tileni egongamwele, oshoka otali holola ondjahi yaKalunga, ne mu tseye kutya oku na omupanguli.