Read Oshindonga-Ombiimbeli Ondjapuki 2008 Job 23 Bible Online

Job 23 - Oshindonga-Ombiimbeli Ondjapuki 2008 bible

Job 23

¹Ngame natango ote nyenyeta note lili omahodhi omapyu; oshikaha shaKalunga osha thinda ndje.

³Ando onda li nda tseya mpoka tandi mu adha, ando otandi yi kuye.

⁴Otandi vulu okutamanana koshipala she, ndi popye omatompelo gandje.

⁵Onda hala okutseya kutya ota yamukula ndje ngiini, nokuuva shoka ta lombwele ndje.

⁶Ota yi ndje moshipala noonkondo dhe oonene? Aawe! Ota pulakene ndje nawa.

⁷Ongame omuyuuki, ote vulu okutamanana naye notandi manguluka, ndaa thikame we komeho gomupanguli gwandje.

⁸Ihe ngele tandi ka konga kuuzilo, Kalunga itandi mu adha ko; nongele tandi uka kuuninginino, itandi mu mono ko.

⁹Uuna e li miilonga kuumbangalantu, itandi mu mono; uuna ta shuna kuumbugantu, ite mono nando okuwilola kwe.

¹⁰Kalunga okwa tseya okukala kwandje, ngele ta yeleke ndje, ota mono ndje nda yela nda fa oshingoli.

¹¹Onda landula ondjila ndjoka a halela ndje, itandi zi mo nande.

¹²Itandi gamuka ko nando kiipango ye, oohapu dhe onde dhi pungula shi vule iikulya yandje yesiku kehe.

¹³Kalunga oku li ngaashi a kala shito, olye ta vulu oku mu tamaneka? Oye ta longo shoka a hala.

¹⁴Ota tsakanitha shoka nda tokolelwa. Shika oshinima shimwe shomomadhiladhilo ge.

¹⁵Omolwasho tandi tila oshipala she; ngele tandi mu dhiladhila, otandi kakama.

¹⁶Kalunga okwa kutha ndje omukumo; Omunankondoawike okwe etele ndje uudhigu.

¹⁷Ihe ngame itandi mwenekwa komilema nokuuluudhe thokothoko wa siikila ndje.