Read Oshindonga-Ombiimbeli Ondjapuki 2008 Job 35 Bible Online

Job 35 - Oshindonga-Ombiimbeli Ondjapuki 2008 bible

Job 35

¹Job, inashi opala u tye, ku na oondjo koshipala shaKalunga.

³Ito vulu okupula Kalunga to ti: “Oondjo dhandje odhi na shike nangoye? Otashi kwatha ndje shike, ngele inandi yona?”

⁴Onda hala ndi mu yamukule nookuume koye.

⁵Ligamena kegulu, u tale iikogo nkene yi li mombanda muule!

⁶Ngele to yono, otashi kutha ko tuu sha kuKalunga? Ngele oto yono olwindji, otashi mu etele shike?

⁷Ngele ngoye omuyuuki, otashi mu kwatha shike, nenge ota taamba shike moshikaha shoye?

⁸Okuyona kwoye otaku etele owala omuntu mukweni oshiponga; uuyuuki woye otau ti sha owala kaantu.

⁹Aantu ngele taa ehamekwa, ohaa kugu, ohaa ithana ya hupithwe miikaha yomunankondo.

¹⁰Ihe itaa galukile kuKalunga, Omushiti gwawo, oongoka te ya nyanyudha nomethimbo lyomilema.

¹¹Itaye ya kuKalunga ngoka he tu longo oondunge tu vule iinamwenyo ayihe yokombanda yevi noondhila dhokegulu.

¹²Oyo otaye mu kugile ekwatho, ihe ita yamukula, oshoka oyo aanuuntsa naakolokoshi.

¹³Itashi ya kwatha sha okugalikana Kalunga, Omunankondoawike ite ya yamukula.

¹⁴Job, Kalunga ke ku wete aniwa? Tegelela owala neidhidhimiko, uudhigu woye ou li koshipala she.

¹⁵Oto dhiladhila kutya Kalunga ita geele noita landula okuyona kwomuntu.

¹⁶Oto popi oohapu dhaa na omutse nondungu; oto popi nuupu iitya yaa na oondunge dhasha.