Read Oshindonga-Ombiimbeli Ondjapuki 2008 Psalms 108 Bible Online

Psalms 108 - Oshindonga-Ombiimbeli Ondjapuki 2008 bible

Psalms 108

¹Kalunga, ondi na einekelo lya kola, otandi imbi e tandi ku simaneke. Mwenyo gwandje, penduka!

²Okaharpa nokashandja kandje, imba! Onda hala okupendutha etango.

³Omuwa, otandi ku pandula mokati kiigwana. Otandi ku simanake mokati kaakuuyuni.

⁴Ohole yoye yaa na ndjele, oya tsa kegulu; uudhiginini woye otau thiki keyalelo.

⁵Kalunga, holola uunene woye kegulu nesimano lyoye kombanda yevi alihe.

⁶Tu hupitha noonkondo dhoye; zimina eindilo lyandje, aaholike yoye opo ya hupithwe.

⁷Kalunga okwa popi e li muuyapuki we: “Mesindano otandi tende Shekem, nolusilu lwaSukkot otandi lu topolele aantu yandje.

⁸Gilead oshandje, naManasse osho tuu; Efraim oye egala lyandje lyosheela, naJuda oye ondhimbo yandje yuukwaniilwa.

⁹Ihe otandi ka ninga Moab oshiyaha shandje shokwiiyogela notandi ka umbila Edom oongaku dhandje, kokutya: Ongame mwene gwasho. Otandi ka nyanyukwa, sho nda sindi Aafilisti.”

¹⁰Kalunga, olye ta fala ndje moshilando sha kola? Olye ta thindikile ndje kuEdom?

¹¹Owe tu ekelehi nani? To ka enda tuu pamwe nomatembakwiita getu?

¹²Tu kwatha mokukondjitha aatondi yetu. Ekwatho lyomuntu kali na oshilonga.

¹³Pamwe naKalunga otatu ka sindana; Kalunga ota ka sinda aatondi yetu.