Read Oshindonga-Ombiimbeli Ondjapuki 2008 Psalms 115 Bible Online

Psalms 115 - Oshindonga-Ombiimbeli Ondjapuki 2008 bible

Psalms 115

¹Omuwa, esimano inali ninga lyetu, aawe, kali shi lyetu. Nali ninge lyedhina lyoye, omolwesilohenda nuudhiginini woye.

²Omolwashike iigwana yi na oku tu pula tayi ti: “Kalunga keni oku li peni?”

³Kalunga ketu oku li megulu; ota longo shoka she mu opalela.

⁴Ihe iikalunga yayo oyo oshisiliveli noshingoli noya hambulwa niikaha yaantu.

⁵Oyi na omakana, ihe itayi vulu okupopya; oyi na omeho, ihe itayi vulu okumona ko.

⁶Oyi na omakutsi, ihe itayi vulu okuuva ko; oyi na omayulu, ihe itayi vulu okunika sha.

⁷Oyi na iikaha, ihe itayi vulu okukwata sha; oyi na oompadhi, ihe itayi vulu okweenda; momakana gayo ihamu zi ewi lyasha.

⁸Mboka haye yi hambula, otaa ka faathana nayo, nosho wo mboka haye yi inekele.

⁹Ne Aaisraeli, inekeleni Omuwa. Oye ote mu kwatha note mu gamene.

¹⁰Ne yomezimo lyaAaron, inekeleni Omuwa. Oye ote mu kwatha note mu gamene.

¹¹Ne mboka hamu mu tila, inekeleni Omuwa. Oye ote mu kwatha note mu gamene.

¹²Omuwa okwe tu dhimbulukwa note ke tu yambeka; ota ka yambeka Aaisraeli nezimo lyaAaron.

¹³Ota yambeke mboka haye mu simaneke, aadhinwa nenge aanenentu.

¹⁴Omuwa ne mu indjipalithe, one pamwe noluvalo lweni.

¹⁵Lalekweni nuuyamba kOmuwa, omushiti gwegulu nogwevi!

¹⁶Egulu lyokombandambanda olyo ehala lyOmuwa mwene, ihe evi okwe li pe aana yaantu.

¹⁷Aasi itaa vulu okuhambelela Omuwa, naamboka taa kulukile mehala lyeimweneneno.

¹⁸Ihe tse aanamwenyo otatu hambelele Omuwa, nena nosigo aluhe. Halleluja!