Read Oshindonga-Ombiimbeli Ondjapuki 2008 Psalms 116 Bible Online

Psalms 116 - Oshindonga-Ombiimbeli Ondjapuki 2008 bible

Psalms 116

¹Ondi hole Omuwa, oshoka ohu uvu eigidho negalikano lyandje.

²Okwa uvu ndje, onkee otandi mu ithana aluhe, manga ndi na omwenyo.

³Iiponga yeso oya kondeke ndje, nuumbanda wokuusi owa kwata ndje. Onda gwilililwa po kuudhigu nokoluhodhi.

⁴Ihe ondi ithana Omuwa nda ti: “Omuwa, hupitha ndje!”

⁵Omuwa oye omunamutimahenda nomuyuuki; Kalunga ketu oye omunalukeno.

⁶Omuwa ota popile omapongo; sho nda li muudhigu, okwa hupitha ndje.

⁷Omwenyo gwandje, fudha ihe, oshoka Omuwa okwe ku ningile uuwanawa.

⁸Omuwa okwa hupitha ndje meso, okwa keelele ndje moluhodhi nokwa gamene ndje, ndaa punduke.

⁹Otandi vulu ihe okweenda koshipala shOmuwa moshilongo shaanamwenyo.

¹⁰Ngame ondi itaala, nando ote popi e te ti: “Onda monithwa iihuna.”

¹¹Muumbanda wandje onda ti: “Aantu ayehe oyo aafundja.”

¹²Omuwa otandi mu futu shike moluuwanawa we auhe e u ningile ndje?

¹³Omuwa otandi mu yambele oshitenga shomaviinu omolwehupitho notandi ithana edhina lye.

¹⁴Omauvaneko gandje otandi ga gwanithile Omuwa montaneho yaantu ye ayehe.

¹⁵Kashi shi oshipu momeho gOmuwa okutala omuntu gwe ta si, ndele opuwo.

¹⁶Eeno, Omuwa, ngame omuntu gwoye; ohandi ku longele, ngaashi meme a li. Ongoye wa hupitha ndje meso.

¹⁷Otandi ku yambele ehambelelo e tandi ku galikana.

¹⁸Omauvaneko gandje otandi ga gwanithile Omuwa montaneho yaantu ye ayehe,

¹⁹omiinyanga yotempeli yOmuwa muJerusalem. Halleluja!