Read Oshindonga-Ombiimbeli Ondjapuki 2008 Psalms 135 Bible Online

Psalms 135 - Oshindonga-Ombiimbeli Ondjapuki 2008 bible

Psalms 135

¹Halleluja! Hambeleleni Omuwa! Simanekeni edhina lye, ne aalongeli yOmuwa,

²one mboka tamu thikama mongulu yOmuwa, motempeli yaKalunga ketu.

³Hambeleleni Omuwa, oshoka oye omwaanawa; osho opala okusimaneka edhina lye.

⁴Omuwa okwa hogolola Jakob a ninge gwe, naIsrael a ninge eliko lye.

⁵Ondi shi shi kutya Omuwa oye omunene, Omuwa gwetu oye omunene e vule iikalunga ayihe.

⁶Omuwa oha longo ashihe shoka she mu opalela, megulu nokombanda yevi. Mefuta nomuule walyo.

⁷Ote enditha iikogo okuza kohulo yevi, ota tumu omvula yi na oombadhi nota tukulutha ombepo mompungulilo ye.

⁸Okwa dhipaga po aatango yAayegipiti, aatango yaantu noyiimuna.

⁹Okwa longo iikumitha niinyengandunge muEgipiti; okwa geele omukwaniilwa nomalenga ge agehe.

¹⁰Oye nguka a dhenge iigwana oyindji nokwa dhipaga aakwaniilwa aanankondo:

¹¹Sihon, omukwaniilwa gwaAayamori, Og, omukwaniilwa gwaBaasha naakwaniilwa ayehe yaKaanan.

¹²Okwa gandja evi lyawo kaantu ye, lya ningi lyoshigwana she Israel.

¹³Omuwa, edhina lyoye otali simanekwa aluhe sigo aluhe. Omuwa, oto ka simanekwa komaluvalo agehe.

¹⁴Omuwa ota ka popila aantu ye nota ka sila aalongeli ye ohenda.

¹⁵Iimenka yaapagani oyo oshingoli noshisiliveli, ya hambulwa kiikaha yaantu.

¹⁶Oyi na omakana, ihe ihayi popi; oyi na omeho, ihe ihayi mono ko.

¹⁷Oyi na omakutsi, ihe ihayi uvu ko, yo ihayi vulu okufudha.

¹⁸Mboka taye yi hambula, otaa ka faathana nayo, nosho wo mboka taye yi inekele.

¹⁹Ne Aaisraeli, simanekeni Omuwa; hambeleleni Omuwa, ne ezimo lyaAaron!

²⁰Ne Aalevi, simanekeni Omuwa! Mu hambeleleni, amuhe mboka hamu mu galikana!

²¹Omuwa na hambelelwe muSion, oongoka a kala muJerusalem. Halleluja!