Read Oshindonga-Ombiimbeli Ondjapuki 2008 Psalms 142 Bible Online

Psalms 142 - Oshindonga-Ombiimbeli Ondjapuki 2008 bible

Psalms 142

¹Otandi ithana Omuwa, a kwathe ndje; otandi yeluthile ewi lyandje kOmuwa, a sile ndje ohenda.

²Otandi holola omayemato gandje koshipala she; otandi mu faalele uudhigu wandje.

³Onda kanitha omukumo, ihe Omuwa ota tseya shoka ndi na okuninga. Mondjila moka ndi na okweenda, aatondi yandje oya tega mo omwigo.

⁴Sho te tala moluha, kaku na ngoka e na ko nasha nangame. Kandi na ngo ta gamene ndje, kape na ngo e na oshimpwiyu nangame.

⁵Omuwa, otandi ku kugile ekwatho; ongoye omugameni gwandje; ongoye awike nda pumbwa mokukalamwenyo kwandje.

⁶Pulakena egalikano lyandje, oshoka ondi li muudhigu. Hupitha ndje miikaha yaatidhagani yandje, oshoka oye vule ndje oonkondo.

⁷Hupitha ndje moothina, opo ndi simaneke edhina lyoye. Aayuuki otaa ka kunduka ndje moluuwanawa we u ningile ndje.