Read Oshindonga-Ombiimbeli Ondjapuki 2008 Psalms 16 Bible Online

Psalms 16 - Oshindonga-Ombiimbeli Ondjapuki 2008 bible

Psalms 16

¹Kalunga, gamena ndje; ngame onde ku inekela.

²Ngame onda ti kOmuwa: “Ongoye Omuwa gwandje; iinima ayihe iiwanawa mbyoka ndi na, ohandi yi pewa kungoye.”

³Aantu mboka haa inekele Omuwa, otaa kala ye li nawa! Ngame onde ya hokwa unene.

⁴Ayehe mboka taa landula iikalunga, otaa iyetele uudhigu owindji. Ngame itandi ka gandja omayambo pamwe nayo; itandi ka galikana iikalunga yawo.

⁵Omuwa, ongoye awike eliko lyandje noho pe ndje ashihe shoka nde shi pumbwa; omwenyo gwandje ogu li miikaha yoye.

⁶Omagano goye oga kumitha ndje ngiini; onda panda oombalagelo dhoye.

⁷Ngame ote hambelele Omuwa, oshoka oye ha wilike ndje, nomuusiku eiyuvo lyandje ohali londodha ndje.

⁸Aluhe ondu uvite, Omuwa e li ndje popepi; oku li popepi, nokaku na shoka tashi hindi ndje.

⁹Onkee ano ondu uvite uunelago nonda nyanyukwa, nondu uvite ndi li megamenolela

¹⁰oshoka oto gamene ndje, ndaa tonwe koonkondo dheso, nomuntu gwoye omuholike ito mu ethele moshaasi.

¹¹Ongoye to tseyithile ndje ondjila yomwenyo; pungoye opu na enyanyu lyandje nuunelago wandje sigo aluhe.