Read Oshindonga-Ombiimbeli Ondjapuki 2008 Psalms 24 Bible Online

Psalms 24 - Oshindonga-Ombiimbeli Ondjapuki 2008 bible

Psalms 24

¹Uuyuni owOmuwa naashihe shoka shi li mo; evi olyOmuwa naayihe mbyoka yi li ko.

²Oye e li tungile kombanda yomeya omale nomakankameno galyo oga dhikilwa muule wefuta.

³Olye ta pitikwa okuya kondundu yOmuwa? Olye e na ompito okuya motempeli ye ondjapuki?

⁴Oomboka ye na iilonga yu uka nomadhiladhilo ga yela, mboka ihaa simaneke iikalunga yo ihaa gandja omauvaneko giifundja.

⁵Omuwa ote ya yambeke e te ya hupitha; Kalunga ote ya igidhile emangululo.

⁶Osho ye li aantu mboka taye ya kuKalunga, oomboka taye ya miipathi yaKalunga kaJakob.

⁷Mwashukeni, ne iiyelo, egulukeni, ne omiyelo dhonale, omukwaniilwa omunene a wape okuya meni.

⁸Omukwaniilwa omunene olye? Oye Omuwa, omunankondo nofule. Omuwa omusindani molugodhi.

⁹Mwashukeni, ne iiyelo, egulukeni, ne omiyelo dhonale, omukwaniilwa omunene a wape okuya meni.

¹⁰Omukwaniilwa omunene oye olye? Omuwa omusindani oye omukwaniilwa omunene!