Read Oshindonga-Ombiimbeli Ondjapuki 2008 Psalms 39 Bible Online

Psalms 39 - Oshindonga-Ombiimbeli Ondjapuki 2008 bible

Psalms 39

¹Onda ti: “Ondi na okukotokela iilonga yandje noitandi ethele elaka lyandje mokuyona. Itandi ti sha, manga aakolokoshi ye li popepi.”

²Onda mwena, nda tya thilu, naashoka shu uka! Ihe uuwehame wandje owa nayipala

³nonda legwa kothina. Sho nde shi dhiladhila, omwenyo gwandje ogwa lindimana; ngame nonda pula:

⁴“Omuwa, tseyithila ndje ehulilo lyandje, uule womasiku gandje, opo ndi pikule kutya ngame oshipipili.”

⁵Omasiku gandje owe ga ningi omashona nokukalamwenyo kwandje momeho goye itaku ti sha. Kehe omuntu okwa fa okambiya

⁶nenge omuzizimba gwowala. Ashihe shi ta ningi, itashi kwatha sha; ota ndumbile omaliko ye ina tseya kutya otaga ka ninga galye.

⁷Omuwa, ano ondi na okutegamena shike? Omungoye ndi na etegameno.

⁸Hupitha ndje momayono gandje agehe, noino etha, aagoya ya yole ndje.

⁹Otandi mwena, itandi ti nando osha, oshoka ongoye wa pe ndje uudhigu mbuka.

¹⁰Ino geela ndje we! Ngame ondi li pokusa komadhengo goye

¹¹Oondjo dhomuntu oto dhi geele nomaputudho goye, ongoshushi, to halakanitha po shoka e hole. Osho omuntu kehe ki ivule nokambiya.

¹²Omuwa, uva egalikano lyandje, u pulakene kokulila kwandje; ila, u kwathe ndje, sho te hekumuna. Ngaashi ootate ayehe, nangame wo omuyenda gwoye okathimbo okafupi kowala.

¹³Etha ndje, ndi ikalele, opo ndi mone enyanyu lyasha, manga inee pepuka po noki po we!