Read Oshindonga-Ombiimbeli Ondjapuki 2008 Psalms 4 Bible Online

Psalms 4 - Oshindonga-Ombiimbeli Ondjapuki 2008 bible

Psalms 4

¹Ngele tandi ku ithana, pe ndje eyamukulo, Kalunga, omupopili gwandje. Sho nda li muudhigu, owa kwatha ndje. Sila ndje ohenda, ngoye u uve egalikano lyandje.

²Aantu ne, sigo uunake tamu kala nokusheka ndje? Sigo uunake, tamu kala mu hole iinima yaa na ekwatho, notamu landula iifundja?

³Dhimbulukweni kutya Omuwa okwi ihogololele omuyuuki, notu uvu ndje, sho tandi mu ithana.

⁴Tileni Omuwa, ne inamu yona; dhiladhileni nawa oshinima shika, uuna mwa lala moondunda dheni.

⁵Eteleni Omuwa omayambo ngoka e ga hokwa, ne mu mu inekele.

⁶Oku na oyendji taa indile: “Omuwa, tu pa natango omayambeko, tu tala onteni!”

⁷Ihe enyanyu ndyoka wa pe ndje, oli vule lyaamboka ye na iilya oyindji nomaviinu.

⁸Ngele tandi ka lala, otandi kotha nombili. Omuwa, ongoye awike to gamene ndje, ndi kale ndaa na nando ombudhi yasha.