Read Oshindonga-Ombiimbeli Ondjapuki 2008 Psalms 46 Bible Online

Psalms 46 - Oshindonga-Ombiimbeli Ondjapuki 2008 bible

Psalms 46

¹Kalunga oye epopilongulu noonkondo dhetu. Okwi ilongekidha aluhe okukwatha momathimbo guudhigu.

²Onkee ano itatu tila sha, evi nando nali kakamithwe noondundu nando nadhi gwile muule wefuta;

³omafuta nando naga geye nokupindjala, niikulundundu nando oyi ndjingandjingithwe kepiyagano.

⁴Oku na omulonga tagu eta enyanyu moshilando shaKalunga, omuuwa uuyapuki waanguka gwokombandambanda.

⁵Kalunga oku li moshilando shoka, noitashi ka yonagulwa po; petendo lyeluwa ote ya, e shi gamene.

⁶Iigwana oya kuyunguta, iilongo otayi pegeya; Kalunga ota ndunduma, evi notali hemuka po.

⁷Omuwa Omunankondoawike oku li pamwe natse; Kalunga kaJakob oye omupopili gwetu.

⁸Ileni, mu tale iilonga yOmuwa. Konekeni iikumithalonga mbyoka e yi longo kombanda yevi.

⁹Ota hulitha po omalugodhi kombanda yevi alihe; ota teya omatati, ta ndonyona omagonga, niikandekitho ote yi fike po.

¹⁰Oye a ti: “Etheni okukondja. Shi tseyeni kutya ongame Kalunga, ndi li kombanda yiigwana nokombanda yuuyuni auhe.”

¹¹Omuwa Omunankondoawike oku li pamwe natse; Kalunga kaJakob oye omupopili gwetu.