Read Oshindonga-Ombiimbeli Ondjapuki 2008 Psalms 52 Bible Online

Psalms 52 - Oshindonga-Ombiimbeli Ondjapuki 2008 bible

Psalms 52

¹Munankondo ngoye, omolwashike to inenepekele uukolokoshi woye? Esilohenda lyaKalunga otali kala sigo aluhe.

²Oto longekidha okuyona po yakweni; elaka lyoye olya tsa ngaashi okakululo. Aluhe oto toto omahokololo giifundja.

³Ou hole uukolokoshi peha lyuuwanawa nou hole iifundja peha lyoshili.

⁴Mufundja ngoye, ou hole okupopya nayi yakweni!

⁵Onkee ano Kalunga ote ku hulitha po sigo aluhe; ote ku kwata e te ku umbile kokule noyaandjeni; ote ku tembudha mo mehala lyaanamwenyo.

⁶Aayuuki otaye shi mono e taa tila; otaye ku yolo e taa ti:

⁷“Tala kunguka inaa pumbwa egameno lyaKalunga, ihe okwi inekele uuyamba we owindji, mokukolokosha omo a kongo egameno.”

⁸Ihe ngame onda fa omuti gwomuolivi gwa mena megumbo lyaKalunga; otandi inekele esilohenda lye aluhe sigo aluhe.

⁹Kalunga, onda hala oku ku pandula aluhe; ndi ku pandulile iilonga yoye. Megongalo lyaantu yoye otandi hokolola uuwanawa woye.