Read Oshindonga-Ombiimbeli Ondjapuki 2008 Psalms 59 Bible Online

Psalms 59 - Oshindonga-Ombiimbeli Ondjapuki 2008 bible

Psalms 59

¹Kalunga kandje, hupitha ndje miikaha yaatondi yandje; gamena ndje kumboka ya hala okuponokela ndje!

²Hupitha ndje kaakolokoshi; yululula ndje miikaha yaadhipagi!

³Tala! Otaa langele okudhipaga ndje; aakolokoshi otaa gongalele okukondjitha ndje. Hamolwondjo nenge epuko lyasha nde li ninga.

⁴Omuwa, hamolweyono lyasha ando nde li ninga, sho taa matukile komahala gawo.

⁵Omuwa, Kalunga Omunankondoawike, penduka, u kwathe ndje; Kalunga kaIsrael, ila, u tale! Penduka, u geele aapagani; ino sila aakotokeli mbo aawinayi ohenda!

⁶Pethimbo lyongulohi otaa galuka notaa ulula ya fa oombwa, sho taa ende moshilando.

⁷Pulakena komasheko nomatilitho gawo. Omalaka gomomakana gawo oga fa omagonga, ihe otaa dhiladhila kutya kaku na ngoka e ya pulakena.

⁸Ihe ngoye, Omuwa, oto ya yolo; oto sheke aapagani ayehe.

⁹Ngame ondi inekela oonkondo dhoye; ongoye epopilongulu lyandje, Kalunga.

¹⁰Kalunga kandje oku hole ndje note ya kungame; oye ta talitha ndje okusindika kwaatondi yandje.

¹¹Kalunga, ino ya dhipaga po, opo oshigwana shandje shaaye shi dhimbwe. Ya halakanitha noonkondo dhoye e to ya sindi, Omuwa, omugameni gwetu.

¹²Oondjo odhi li komilungu dhawo; oohapu dhawo adhihe odhuulunde. Naa kwatelwe muuntsa wawo, oshoka ohaa tukana e taa fundju.

¹³Ya geela wa sa ondjahi; ya yona po thiluthilu. Nena kehe gumwe ota ka tseya kutya Kalunga oye omupangeli muIsrael, nepangelo lye otali adha sigo okooha dhuuyuni.

¹⁴Ongulohi aatondi yandje otaa galuka, otaa ulula ya fa oombwa, sho tadhi ende moshilando,

¹⁵ongoombwa tadhi kongo iikulya notadhi nkwina, ngele inadhi mona sha.

¹⁶Ihe ngame otandi imbi omolwoonkondo dhoye; kehe ongula otandi imbi mokule omolwesilohenda lyoye. Owa kala egameno lyandje, epopilongulu lyandje methimbo lyuudhigu.

¹⁷Otandi ku pandula, omupopili gwandje. Kalunga oye egameno lyandje, Kalunga ngoka e hole ndje.