Read Oshindonga-Ombiimbeli Ondjapuki 2008 Psalms 64 Bible Online

Psalms 64 - Oshindonga-Ombiimbeli Ondjapuki 2008 bible

Psalms 64

¹Kalunga, uva ndje mokulila kwandje; gamena omwenyo gwandje komatilitho gaatondi.

²Holeka ndje omolwondjuvanena yaadhudhu nongundu yaakolokoshi.

³Otaa upike omalaka gawo ngaashi omagonga; otaa zi iitya iilulu ya fa omaholongo.

⁴Otaa uluma okutaandelitha iifundja yawo; omuyuuki otaye mu langele e taye mu yaha.

⁵Otaa kolekelathana mokulonga uukolokoshi notaa uvanene, nkene ye na okutega oomwigo dhawo. Otaa ti: “Olye te dhi mono?”

⁶Otaa uvanene okulonga uudhudhu e taa ti: “Otu na ompangela ya kola.” Omutima gwomuntu oshilongo shi ili.

⁷Ihe Kalunga ote ya yaha niikuti ye, e taa gwile po mbala.

⁸Kalunga ote ya geele molwoohapu dhawo; ayehe mboka taye ya tala, otaa pukapuka komitse ye ya dhina.

⁹Aantu ayehe otaa ka tila; otaa ka hokolola iilonga yaKalunga notaa ka dhiladhila shoka e shi longa.

¹⁰Aayuuki naa nyanyukilwe Omuwa yo naa konge eholameno muye. Ayehe mboka yaa na iihelele, otaye ke mu hambelela.