Read Oshindonga-Ombiimbeli Ondjapuki 2008 Psalms 7 Bible Online

Psalms 7 - Oshindonga-Ombiimbeli Ondjapuki 2008 bible

Psalms 7

¹Omuwa, Kalunga kandje, otandi ya kungoye okukonga egameno; hupitha ndje, ngu u yululule ndje miikaha yaatidhagani yandje,

²yaa fale ndje nokutuulagula ndje ngaashi onkoshi nokaku na ngo ta hupitha.

³Omuwa, Kalunga kandje, ando nda li nda ningile gumwe uuwinayi, nde enda mevi kuume kandje nenge nda sila ohenda omutondi gwandje pwaa na etompelo — ngele onda longa ayihe mbika,

⁵nena ando oshu uka, u ethe aatondi yandje ya lambe ndje noya kwate ndje, ya thepule ndje noya dhipage ndje e taa thigi ndje nda sa.

⁶Thikama, Omuwa, u geele ongeyo yaatondi yandje; tonata, u kwathe ndje Oto pula, uuyuuki u gwanithwe;

⁷gongela ano aantu ayehe, ye ku kundukidhe e to ya pangele u li kombanda.

⁸Ongoye omupanguli gwaantu ayehe. Omuwa, uthila ndje okwaanuusama; owa tseya kutya kandi na uusama.

⁹Ongoye Kalunga omuyuuki noto pangula omadhiladhilo nomahalo getu. Hulitha po uukolokoshi waagoyoki, ngu u fute mboka taa longo uuwanawa.

¹⁰Kalunga oye omugameni gwandje; oye ta hupitha mboka haa vulika kuye.

¹¹Kalunga oye omupanguli omuyuuki nota geele aakolokoshi.

¹²Ngele itaa itedhulula, Kalunga otu upike egongamwele lye. Oye ta leve uutati we e te u lukile;

¹³ota kutha iikondjitho ye hayi dhipaga noto odheke niikuti ye ya hwama omulilo.

¹⁴Aakolokoshi otaa dhiladhila oku ka longa uuwinayi; otaa ningi oompangela dhuukolokoshi nodhiifundja.

¹⁵Ihe momakelo ye ga fulile yakwawo, otaa gwile mo yo yene.

¹⁶Onkee oya pilukilwa kuuwinayi wawo yene noya lulumikwa kuupwidhi wawo yene.

¹⁷Ihe ngame otandi pandula Omuwa, sho ha longo pauyuuki, notandi imbile Omuwa gwokombandambanda.