Read Oshindonga-Ombiimbeli Ondjapuki 2008 Psalms 81 Bible Online

Psalms 81 - Oshindonga-Ombiimbeli Ondjapuki 2008 bible

Psalms 81

¹Imbeni, nyanyukweni! Kalunga oye omugameni gwetu; imbileni Kalunga kaJakob!

²Tamekeni eimbilo, dhengeni oontunda. Hikeni uuharpa nuushandja.

³Hikeni enkuma moshituthi shomwedhi omupe, ngele gwe ya ko nenge gwa toka.

⁴Ndjika oyo ompango muIsrael; elombwelo lya zi kuKalunga kaJakob.

⁵Ompango okwe yi pe Aaisraeli, sho a dhenge evi lyaEgipiti. Ondu uvu ewi inaandi li uva nale lya ti:

⁶“Onda kutha ko omitenge komapepe geni; onde mu lombwele, mu thige po iilonga iidhigu.

⁷Muumbanda weni omwi ithana ndje e tandi mu hupitha. Onde mu yamukula moshikogo shomindundumo. Onde mu yeleke pomeya gaMeriba.

⁸Pulakeneni, ne aantu yandje, otandi mu londodha; Aaisraeli ne, onda hala mu uve ndje.

⁹Inamu simaneka nando oshikalunga; inamu kala mu na oshimenka.

¹⁰Ongame Omuwa Kalunga keni, ngoka nde mu tembudha muEgipiti. Ekamekeni omakana geni, ngame notandi mu palutha.

¹¹“Ihe aantu yandje inaa pulakena ndje; Israel ina vulika kungame.

¹²Onkee onde ya ethele mokwaavulika kwawo, noya longo ngaashi ya hala.

¹³Ando ya li ya pulakene ndje e taa vulika kungame,

¹⁴ando onda tidha e te halakanitha po aatondi yawo.

¹⁵Mbo ye tonde ndje, otaa ka tsila ndje oongolo kuumbanda; okugeelwa kwawo otaku kala sigo aluhe.

¹⁶Ihe ne, otandi ke mu palutha niilyalela; otandi ke mu pa omagadhi goonyushi.”