Read Oshindonga-Ombiimbeli Ondjapuki 2008 Psalms 85 Bible Online

Psalms 85 - Oshindonga-Ombiimbeli Ondjapuki 2008 bible

Psalms 85

¹Omuwa, owa kala nokusila evi lyetu ohenda; owa mwenyekulula aantu yoye Aaisraeli.

²Owa dhimi po oondjo dhawo nowe ya kuthile po omayono gawo.

³Owe etha oku ya geela nowa loteke ondjahi yoye.

⁴Kalunga, omuhupithi gwetu, tu tula ishewe omwenyo; ino tsikila we oku tu geela.

⁵Oto kala we tu geela sigo aluhe? Oto lelepeke ondjahi yoye, yi adhe omaluvalo agehe?

⁶Tu mwenyeka ishewe, tse aantu yoye tu ku nyanyukilwe.

⁷Omuwa, tu ulukila ohole yoye yashili; tu kwatha ngu u tu hupithe.

⁸Otse otatu ka vulika koohapu dhOmuwa; oye oku uvanekele aantu ye ombili, ngele itatu shuna we momapuko getu.

⁹Ekwatho lyOmuwa oli li popepi naamboka haye mu simaneke; ota kala moshilongo shetu.

¹⁰Ohole neinekelo otayi ka tsakanena; uuyuuki nombili otayi ka minikathana.

¹¹Evuliko lyomuntu otali ka holoka, nuuyuuki waKalunga otau ka taalela kevi.

¹²Omuwa ota ka gandja shoka oshiwanawa, nevi lyetu otali ka za iipalutha.

¹³Uuyuuki otau ka tetekela Omuwa notau mu longekidhile ondjila.