Read Oshindonga-Ombiimbeli Ondjapuki 2008 Proverbs 13 Bible Online

Proverbs 13 - Oshindonga-Ombiimbeli Ondjapuki 2008 bible

Proverbs 13

¹Omumati omunandunge oha pulakene omakumagidho gahe, ihe omusheki ihu uvu ko omanyenyetelo.

²Omuntu oha kutithwa nuutoye tau zi miiyimati yokana ke, ihe omahalo gaakaanakalunga ogo iilonga yuupwidhi.

³Ngoka ha tonatele okana ke, ota gamene omwenyo gwe, oongoka ha yagumuka omahapu, ekano oli mu li popepi.

⁴Omwenyo gwomunanyalo ohagu haluka, ihe osima yowala, ihe omwenyo gwomunandjungu ohagu kutithwa.

⁵Omuyuuki oha tondo oohapu dhiifundja, ihe aakaanakalunga ohaa pendutha uutondwe notaye eta ohoni.

⁶Uuyuuki ohau gamene okweenda muuyelele, ihe uukeenakalunga ohau pundukitha omulunde.

⁷Oku na ngoka ti itangele uuyamba, nando ke na sha, nagumwe ti itala ohepele, nando oku na iinima oyindji.

⁸Iihupithi yomwenyo gwomuyamba oyo uuyamba we, ihe ohepele ihayi uvu omathiminiko.

⁹Uuyelele waayuuki otau yeta nawa, ihe olamba yaakaanakalunga otayi dhimi.

¹⁰Eitumbaleko ohali pendutha oontamanana, ihe mboka ye shi kulombwelwa, oyo aanamayele.

¹¹Eliko ndyoka inaali longelwa, otali pepuka po, ihe mboka taa longo nuudhiginini, otaa mono oshindji.

¹²Etegelelo lyethimbo eleeleka ohali gombokitha omwenyo, ihe ondjuulukwe ya gwanithwa oyo omuti gwomwenyo.

¹³Ngoka ta dhini oohapu, ota kala nongunga, ihe ngoka ta simaneke oshipango, ota taamba ondjambi.

¹⁴Enongeko lyomunawino olyo oluthithiya lwomwenyo gwokuhenuka etavu lyeso.

¹⁵Oondunge oombwanawa otadhi likolitha uuhokwe, ihe ondjila yaahasha ehanagulo.

¹⁶Omunamayele ohe ende pandunge, ihe omusama oha taandelitha uugoya.

¹⁷Omutumwa omukeenakalunga oha gwile moshiponga, ihe omutumwa omwiinekelwa oye omutalaleki.

¹⁸Ngoka ta sasana eputudho, oti ilikolele oluhepo nohoni, ihe ngoka ta simaneke omakumagidho, okwa yela.

¹⁹Ondjuulukwe ya gwanithwa oyo uutoye womwenyo, aagoya ohaa tindi okugamuka kuuwinayi.

²⁰Enda pamwe naanawino, u likole owino, ihe ngoka ta kala paagoya, ota likola uuwinayi.

²¹Iiponga ohayi landula aalunde, ihe aayuuki ohaa mono elago.

²²Omwaanawa ota thigululitha aatekulu, ihe emona lyomulunde otali pungulilwa omuyuuki.

²³Ohenyaga koohepele ohayi vala iilya oyindji, ihe aakolokoshi itaye shi pitika.

²⁴Oongoka ihaa longitha olunwa, oku tonde omwana, ihe ngoka e mu hole, ote mu pukulula.

²⁵Omuyuuki ota li sigo ta kuta, ihe ela lyomukeenakalunga olya nkololoka.