Read Oshindonga-Ombiimbeli Ondjapuki 2008 Lamentations 5 Bible Online

Lamentations 5 - Oshindonga-Ombiimbeli Ondjapuki 2008 bible

Lamentations 5

¹Omuwa, dhimbulukwa shoka twa ningilwa; tu tala u mone ehutuko lyetu.

²Uuthiga wetu owa yi kaayeni. Omagumbo getu oga yi kaatyakala.

³Otwa ningi oothigwa, katu na ootate; oomeme oya fa aaselekadhi.

⁴Omeya tatu ga nu, otatu ga futile; iikuni tatu yi pumbwa, otayi tu pula ondando.

⁵Ondjoko oyi li moothingo dhetu, otatu haulwa. Otatu longo sigo eso, pwaa na oluthuwo.

⁶Otwa yeluthile omaako getu kuEgipiti nenge kuAssur, aniwa tu pewe iikulya ya gwana.

⁷Ootate oya yono, ihe kaye po we. Otse tatu si uudhigu woondjo dhawo.

⁸Otatu lelwa kaapika ihe kaku na ngoka te tu mangulula miikaha yawo.

⁹Puupatekedhi woomwenyo dhetu tatu mono iikulya yetu mokuhenuka egongamwele mombuga.

¹⁰Oshipa shetu sha hanya sha fa eziko, osha luudhikwa kepupyu lyondjala.

¹¹Oya gugitha aakulukadhi muSion, aakadhona momikunda dhaJuda.

¹²Oya tula aawagona kohake, yo inaa simaneka aakuluntu yoomvi.

¹³Aalumentu aagundjuka oya humbata iikweyithilomanya, aamati otaa tonwa kiipandi yiikuni.

¹⁴Aasamane kaye mo we momiyelo, naagundjuka oye etha iiketala.

¹⁵Enyanyu olya kana mo moomwenyo dhetu, okutanta kwetu okwa shituka oondila.

¹⁶Oshishani shesimano osha gu komitse dhetu. Yaye tse, sho twa yono!

¹⁷Molwashika oomwenyo dhetu dha ziyalala, nomolwashika omeho getu ga siilila.

¹⁸Molwashoka ondundu Sion ya mbugala, noombandje tadhi yi lyatagula.

¹⁹Ihe Omuwa, ongoye to kala po sigo aluhe, oshipangelapundi shoye otashi kala okuza komapipi nomapipi.

²⁰Oshike to tu dhimbwa sigo aluhe? Oshike to tu etha sigo osigo?

²¹Tu galulila kungoye, Omuwa, notatu galukile ko. Pepaleka omasiku getu ngashika muushitonale.

²²Nenge owe tu ekelehi mondjahi yaa na ondjele?