Read Oshindonga-Ombiimbeli Ondjapuki 2008 Jonah 2 Bible Online

Jonah 2 - Oshindonga-Ombiimbeli Ondjapuki 2008 bible

Jonah 2

¹Mela lyohi Jona okwa galikana Omuwa a ti:

²“Muudhigu wandje onde ku ithana, Omuwa, nangoye owa yamukula ndje. Omuule, muuyuni wokuusi onda kugile ekwatho, nangoye owu uvu ndje.

³Ongoye wa dhogele ndje muuleeleka, sigo okondaandelo yefuta, nkoka omeya ga li ga kuwike ndje, nomakuthikuthi goye agehe goonkondo oga gwilile ndje pa.

⁴Onda dhiladhila kutya onda pegulwa ko koshipala shOmuwa nokandi na we mpo ne mono otempeli yoye ondjapuki.

⁵Omeya oga siikile ndje taga li ndje oshuunguungu, efuta olya kuwike ndje thiluthilu, oombungufuta odha kutunine omutse gwandje.

⁶Onda mbolokele sigo okomidhi dhoondundu, eeno, sigo okoshilongo shomiyelo dha patwa aluheluhe. Ihe ongoye, Omuwa Kalunga kandje, owa galula omwenyo gwandje mombwili.

⁷Sho nda li ndu uvite omwenyo gwandje tagu thigi ndje po, onde ku galikana, Omuwa, motempeli yoye ondjapuki ngoye nou uvu ndje.

⁸Mboka haa simaneke iimenka kaayi na ntumbu, otaa etha okuvulika kungoye.

⁹Ihe ngame otandi ku imbile omahambelelo; otandi ku yambele ondjambo e tandi gwanitha shoka ndu uvaneke. Ehupitho otali zi kOmuwa.”

¹⁰Nena Omuwa okwa lombwele ohi, yi kungile Jona komunkulo, noye shi ningi.