Read Oshindonga-Ombiimbeli Ondjapuki 2008 Numbers 2 Bible Online

Numbers 2 - Oshindonga-Ombiimbeli Ondjapuki 2008 bible

Numbers 2

¹Omuwa okwa gandja omautho ngaka kuMoses naAaron.

²Aaisraeli ngele taa yungu ontanda, omuntu kehe na yunge ontanda pepandela lyoshitopolwa shawo nokombinga yombaaneli yoludhi lwe. Ontanda nayi yungwe ya kunduka etsalihangano.

³Mboka taa ka yunga oontanda nomatanga gawo kuuzilo kohi yepandela lyoshitopolwa shaJuda, oye li mewiliko lyaawiliki taa landula: Ezimo Omuwiliki Omwaalu Juda Nahshon yaAminadab 74 600 Issaskar Netanel yaZuar 54 400 Sebulon Eliab lyaHelon 57 400 t Kumwe 186 400 Oshitopolwa shaJuda otashi katuka tango.

¹⁰Mboka taa ka yunga oontanda nomatanga gawo kuumbangalantu kohi yepandela lyoshitopolwa shaReuben, oye li mewiliko lyaawiliki taa landula: Ezimo Omuwiliki Omwaalu Reuben Elizur lyaShedeur 46 500 Simeon Shelumiel yaSurishaddai 59 300 Gad Eljasaf lyaDeuel 45 650 Kumwe 151 450 Oshitopolwa shaReuben otashi katuka olutiyali.

¹⁷Konima yoshitopolwa shaReuben ontanda yAalevi otayi thikama. Aalevi naa humbate etsalihangano ye li mokati kiitopolwa ine yAaisraeli. Oshitopolwa kehe kohi yepandela lyasho nashi katuke melandulathano tuu ndyoka sha yunga oontanda.

¹⁸Mboka taa ka yunga oontanda momatanga gawo kuuninginino kohi yepandela lyoshitopolwa shaEfraim, oye li mewiliko lyaawiliki taa landula: Ezimo Omuwiliki Omwaalu Efraim Elishama lyaAmmihud 40 500 Manasse Gamaliel yaPedazur 32 200 Benjamin Abidan yaGidoni 35 400 Kumwe 108 100 Oshitopolwa shaEfraim otashi katuka olutitatu.

²⁵Mboka taa ka yunga oontanda nomatanga gawo kuumbangalantu kohi yepandela lyoshitopolwa shaDan, oye li mewiliko lyaawiliki taa landula: Ezimo Omuwiliki Omwaalu Dan Ahiezer yaAmmishaddai 62 700 Aser Pagiel yaOkran 41 500 Naftali Ahira yaEnan 53 400 Kumwe 157 600 Oshitopolwa shaDan otashi katuka lwahugunina.

³²Omwaalu aguhe kumwe gwAaisraeli mboka ya yalulwa miitopolwa pamaludhi gawo, ogwa li 603 550.

³³Aalevi inaa yalulilwa mo, ngaashi Omuwa a lombwele Moses.

³⁴Aaisraeli oya ningi ayihe mbyoka Omuwa a lombwele Moses. Oya yungu oontanda shaa ngoka pombaaneli yawo noya zi po shaa ngoka noludhi lwe.