Read Oshindonga-Ombiimbeli Ondjapuki 2008 Numbers 26 Bible Online

Numbers 26 - Oshindonga-Ombiimbeli Ondjapuki 2008 bible

Numbers 26

¹Elega sho lya kodha, Omuwa okwa lombwele Moses naEleasar lyaAaron

²e ta ti: “Yaluleni omwaalu gwegongalo alihe lyaIsrael pamazimo, aalumentu ayehe yepipi lyomimvo omilongo mbali naamboka ye vule po ya gwana okuhinga iita.”

³Moses nomuyambi Eleasar oye ya uvithile molushandja lwaMoab puJordan ontega naJeriko ya ti:

⁴“Naa holoke ayehe mboka yomimvo omilongo mbali naamboka ye vule po, ngaashi Omuwa a lombwele Moses.” Aaisraeli mboka ya tembuka muEgipiti, oyo mbaka

⁵Ezimo lyaReuben, osheeli shaJakob: omaludhi gaHanok, Pallu,

⁶Hezron naKarmi.

⁷Omaludhi ngaka oga li ge na aalumentu 43 730.

⁸Oluvalo lwaPallu oEliab

⁹noyana Nemuel, Datan naAbiram. (Datan naAbiram oyo mbeyaka ya li ya hogololwa kegongalo. Oyi itumbile Moses naAaron e tayi itula maalanduli yaKora, sho ya li ya tsu ondumbo nOmuwa.

¹⁰Evi olya makuka e tali ya nina po, noya sile pamwe naKora naalanduli ye, omulilo sho gwa lungunitha po aalumentu 250; oya ningi elondodho koshigwana.

¹¹Ihe aana yaKora inaa dhipagwa.)

¹²Ezimo lyaSimeon: omaludhi gaNemuel, Jamin, Jakin,

¹³Sera naShaul.

¹⁴Omwaalu gwaalumentu momaludhi ngaka ogwa li 22 200.

¹⁵Ezimo lyaGad: omaludhi gaZefon, Haggi, Shuni,

¹⁶Osni, Eri,

¹⁷Arod naAreli.

¹⁸Omwaalu gwaalumentu momaludhi ngaka ogwa li 40 500.

¹⁹Ezimo lyaJuda: omaludhi gaShela, Perez, Sera, Hezron naHamul. (Aana yaJuda yaali aamati, Er naOnan oya sile mevi lyaKaanan.)

²⁰

²¹

²²Omwaalu gwaalumentu momaludhi ngaka ogwa li 76 500.

²³Ezimo lyaIssaskar: omaludhi gaTola, Puwa,

²⁴Jashub naShimron.

²⁵Omwaalu gwaalumentu momaludhi ngaka ogwa li 64 300.

²⁶Ezimo lyaSebulon: omaludhi gaSered, Elon naJahleel.

²⁷Omwaalu gwaalumentu momaludhi ngaka ogwa li 60 500.

²⁸Omazimo gaJosef, ngoka a li he yaamati yaali, Manasse naEfraim.

²⁹Ezimo lyaManasse: Makir gaManasse okwa li he yaGilead, nomaludhi taga landula oga zi muhekulu Gilead:

³⁰omaludhi gaIeser, Helek,

³¹Asriel, Shekem,

³²Shemida naHefer.

³³Zelofhad yaHefer ka li e na aanona aamati, ihe aakadhona ayeke; omadhina gawo ogo Mahla, Noa, Hogla, Milka naTirza.

³⁴Omwaalu gwaalumentu momaludhi ngaka ogwa li 52 700.

³⁵Ezimo lyaEfraim: omaludhi gaShuthela, Beker naTahan.

³⁶Oludhi lwaEran olwa zi moludhi lwaShuthela.

³⁷Omwaalu gwaalumentu momaludhi ngaka ogwa li 32 500. Ngaka ogo omaludhi ga za muJosef.

³⁸Ezimo lyaBenjamin: omaludhi gaBela, Ashbel, Ahiram,

³⁹Shefufam naHufam.

⁴⁰Omaludhi gaArd naNaeman oga zi muBela.

⁴¹Omwaalu gwaalumentu momaludhi ngaka ogwa li 45 600.

⁴²Ezimo lyaDan: oludhi lwaShuham,

⁴³lu na omwaalu gwaalumentu 64 400.

⁴⁴Ezimo lyaAser: omaludhi gaImna, Ishvi naBeria.

⁴⁵Omaludhi gaHeber naMalkiel oga zi muBeria.

⁴⁶Aser okwa li e na omwana omukadhona edhina lye Sera.

⁴⁷Omwaalu gwaalumentu momaludhi ngaka ogwa li 53 400.

⁴⁸Ezimo lyaNaftali: omaludhi gaJakzeel, Guni,

⁴⁹Jezer naShillem.

⁵⁰Omwaalu gwaalumentu momaludhi ngaka ogwa li 45 400.

⁵¹Omwaalu gwaalumentu Aaisraeli aguhe kumwe ogwa li 601 730.

⁵²Omuwa okwa lombwele Moses e ta ti:

⁵³“Topolela omazimo ngaka evi pamiyalu dhago.

⁵⁴Oshilongo oto shi topola mokuumba iihogololitho e to gandja oshitendelwa oshinene kezimo enene noshishona kezimo eshona.”

⁵⁵

⁵⁶

⁵⁷Ezimo lyaLevi lya thikama momaludhi gaGerson, Kohat naMerari.

⁵⁸Omaluvalo gawo oga kwatelela mo omaludhi gaLibni, Hebron, Mahli, Mushi naKora. Kohat ohe yaAmram,

⁵⁹ngoka a hokanene omuna gwaLevi omukadhona Jokebed, ngoka a valelwa muEgipiti. Jokebed okwa valele Amram aamati yaali, Aaron naMoses, nomukadhona Miriam.

⁶⁰Aaron okwa li e na aanona aamati yane: Nadab, Abihu, Eleasar naItamar.

⁶¹Nadab naAbihu oya si, sho ya yamba omulilo gwaa shi omuyapuki.

⁶²Aalevi aalumentu mboka ya li ye na omwedhi gumwe nenge ye vule po, omwaalu gwawo 23 000. Oya li ya yoololwa mAaisraeli, oshoka inaa pewa oshitendelwa muIsrael.

⁶³Omaludhi agehe ngaka oga li ga yalulwa kuMoses nomuyambi Eleasar, sho ya yalula Aaisraeli molushandja lwaMoab pomulonga Jordan ontega naJeriko.

⁶⁴Maalumentu mbaka kamwa li nando ogumwe gwaambeyaka ya yalulilwe kuMoses nomuyambi Aaron mombuga Sinai.

⁶⁵Omuwa okwe ya lombwelele kutya otaa ka sila mombuga. Muyo inamu hupa nando ogumwe, kakele kaKaleb kaJefunne naJosua yaNun.