Read Хуыцауы Дзырд иронау 1 Азфыстытӕ 27 Bible Online

1 Азфыстытӕ 27 - Хуыцауы Дзырд иронау bible

1 Азфыстытӕ 27

¹Мӕнӕ, афӕдзы дӕргъы-иу паддзахӕн мӕйгай лӕггад кӕнынмӕ чи ӕрбацыд, уыцы ӕфсӕддон къордтӕ. Алы къорд дӕр-иу ӕрбацыд йӕ рады, иу мӕйы ӕмгъуыдмӕ. Къордтӕй алкӕцыйы дӕр уыди цыппар ӕмӕ ссӕдз мин израиладжы, уыдонимӕ мыггӕгты хистӕртӕ, миныхицӕуттӕ, сӕдӕйыхицӕуттӕ, бӕрнылӕгтӕ — ӕфсӕддон къордтимӕ баст алы хъуыддӕгты паддзахӕн чи лӕггад кодта, уыдон.

²Фыццаг мӕйы къорды хицау — Завдиелы байзӕддаг Йашовам; уыди йӕм цыппар ӕмӕ ссӕдз мин хӕстоны.

³Уый уыди Парецы байзӕддӕгтӕй, фыццаг мӕйы къорды ӕфсады хицӕуттӕн сӕ хистӕр.

⁴Дыккаг мӕйы къорды хицау — Ахохийы байзӕддаг Додай; йӕ сӕйраг хӕстон фӕтӕг — Миклот, уыдис ӕм цыппар ӕмӕ ссӕдз мин хӕстоны.

⁵Ӕртыккаг мӕйы къорды хицау — алчер Йеходайы фырт Бенайа; уыди йӕм цыппар ӕмӕ ссӕдз мин хӕстоны.

⁶Ацы Бенайа уыди Дӕс ӕмӕ ссӕдз ӕхсарджынӕй иу. Фӕстӕдӕр сси сӕ хистӕр, ӕмӕ уӕд ӕртыккаг мӕйы къорды сӕргъы ӕрлӕууыд йӕ фырт Аммизавад.

⁷Цыппӕрӕм мӕйы къорды хицау — Йоавы ӕфсымӕр Асаел, фӕстӕдӕр ӕй аивта йӕ фырт Зевадиа; уыди йӕм цыппар ӕмӕ ссӕдз мин хӕстоны.

⁸Фӕндзӕм мӕйы къорды хицау — Зерахы байзӕддаг Шамхут; уыди йӕм цыппар ӕмӕ ссӕдз мин хӕстоны.

⁹Ӕхсӕзӕм мӕйы къорды хицау — Икешы фырт Ира, текоайаг; уыди йӕм цыппар ӕмӕ ссӕдз мин хӕстоны.

¹⁰Ӕвдӕм мӕйы къорды хицау — пелетаг Хелец, Ефремы байзӕддӕгтӕй; уыди йӕм цыппар ӕмӕ ссӕдз мин хӕстоны.

¹¹Ӕстӕм мӕйы къорды хицау — хушайаг Сибехай, Зарахы мыггагӕй; уыди йӕм цыппар ӕмӕ ссӕдз мин хӕстоны.

¹²Фарӕстӕм мӕйы къорды хицау — анатотаг Авиезер, Бениамины мыггагӕй; уыди йӕм цыппар ӕмӕ ссӕдз мин хӕстоны.

¹³Дӕсӕм мӕйы къорды хицау — нетофаг Махрай, Зарахы мыггагӕй; уыди йӕм цыппар ӕмӕ ссӕдз мин хӕстоны.

¹⁴Иуӕндӕсӕм мӕйы къорды хицау — пиратонаг Бенайа, Ефремы байзӕддӕгтӕй; уыди йӕм цыппар ӕмӕ ссӕдз мин хӕстоны.

¹⁵Дыууадӕсӕм мӕйы къорды хицау — нетофаг Хелдай, Гофниелы мыггагӕй; уыди йӕм цыппар ӕмӕ ссӕдз мин хӕстоны.

¹⁶Израилы хӕдзарвӕндӕгты разамонджытӕ: Рувимы байзӕддӕгтӕн — Зихрийы фырт Елиезер; Симеоны байзӕддӕгтӕн — Маахайы фырт Шефати;

¹⁷левиттӕн — Кемуелы фырт Хашавиа; Аароны байзӕддӕгтӕн — Цадок;

¹⁸иудейӕгтӕн — Елигу, Давиды ӕфсымӕртӕй; Иссахары хӕдзарвӕндагӕн — Михаелы фырт Омри;

¹⁹Зевулоны фӕдонтӕн — Овадийы фырт Ишмайа; Неффалимы байзӕддӕгтӕн — Азриелы фырт Йеримот;

²⁰Ефремы хӕдзарвӕндагӕн — Азазиайы фырт Осиа; Менассиайы хӕдзарвӕндаджы иу ӕмбисӕн — Педаиайы фырт Иоел;

²¹Менассиайы хӕдзарвӕндаджы иннӕ ӕмбисӕн, Галаады — Захариайы фырт Иддо; Бениамины байзӕддӕгтӕн — Авнеры фырт Йасиел;

²²Даны хӕдзарвӕндагӕн — Йерохамы фырт Азарел. Адон уыдысты Израилы хӕдзарвӕндӕгты разамонджытӕ.

²³Давид сфысты хыгъдмӕ нӕ хаста ссӕдзаздзыдты ӕмӕ уыдонӕй кӕстӕрты, уымӕн ӕмӕ Дунедарӕг зӕрдӕ бавӕрдта Израилы адӕмы арвы стъалытау сбирӕ кӕнынӕй.

²⁴Церуайы фырт Йоав райдыдта адӕмы нымайын, фӕлӕ йын кӕронмӕ нӕ бантыст, уымӕн ӕмӕ уый тыххӕй Хуыцауы маст рафыхт Израилмӕ, ӕмӕ ацы сфыст паддзах Давиды азфыстыты чиныгмӕ нӕ бацыд.

²⁵Паддзахы ӕфтауцуатмӕ йӕ цӕст дардта Адиелы фырт Азмавет; хуымты бӕркадмӕ, стӕй сахартӕ, хъӕутӕ ӕмӕ фидӕртты ӕфтауцмӕ — Узийайы фырт Йонатан;

²⁶зӕхкусджыты куыстмӕ — Келувы фырт Езри;

²⁷сӕндӕттӕм — рамайаг Шими, сӕны быркуытӕм та — шефамаг Завди;

²⁸Шефелайы оливӕ бӕлӕстӕ ӕмӕ легъуи бӕлӕстӕм — гедераг Баал-Ханан, сойы ӕвӕрӕнтӕм та — Йоаш;

²⁹Шароны цы стурвос хызти, уыдонмӕ — шаронаг Шитрай, дӕлвӕзты стурвосмӕ та — Адлайы фырт Шафат;

³⁰теуатӕм — Измаелы байзӕддаг Овил; хӕрджытӕм — меронотаг Йехди;

³¹лыстӕг фосмӕ — агараг Йазиз. Адон се ’ппӕт дӕр уыдысты паддзах Давиды исбонмӕ цӕстдарджытӕ.

³²Давиды фыды ’фсымӕр Йонатан уыди уынаффӕйы лӕг, зондджын ӕмӕ ахуыргонд; Хахмонийы фырт Йехиел уыди паддзахы фыртты хъомылгӕнӕг;

³³Ахитофел — паддзахы уынаффӕйы лӕг; аркаг Хушай — паддзахы лымӕн.

³⁴Ахитофелы фӕстӕ уынаффӕйы лӕгтӕ систы Бенайайы фырт Йехода ӕмӕ Авиафар. Йоав уыди паддзахы ӕфсады хицау.