Read Хуыцауы Дзырд иронау 2 Азфыстытӕ 10 Bible Online

2 Азфыстытӕ 10 - Хуыцауы Дзырд иронау bible

2 Азфыстытӕ 10

¹Роховам ацыди Шехеммӕ, уымӕн ӕмӕ уым ӕрӕмбырд сты ӕппӕт израилӕгтӕ, цӕмӕй йӕ паддзахӕй сӕвӕрой.

²2-3 Уыцы хабар Наваты фырт Йоровам, кӕддӕр паддзах Соломонӕй Мысырмӕ чи алыгъд, уый куы фехъуыста, уӕд Мысырӕй ӕрбаздӕхти, арвыстой йӕм. Йоровам ӕмӕ ӕппӕт израилӕгтӕ ӕрбацыдысты ӕмӕ Роховамӕн загътой:

⁴«Кӕддӕр нӕ дӕ фыд йӕ уӕззау ӕфсондзы бын ныцъцъист кодта, фӕлӕ нын ныр ды не ’фсондз фӕрогдӕр кӕн, ӕмӕ дын мах лӕггад кӕндзыстӕм».

⁵Уый сын дзуапп радта: «Ӕртӕ боны фӕстӕ-иу мӕм ногӕй ӕрбацӕут». Адӕм куы ацыдысты,

⁶уӕд паддзах Роховам, йӕ фыд Соломоны заман чи лӕггад кодта, уыцы хистӕрты бафарста: «Цы мын бауынаффӕ кӕндзыстут? Цы дзуапп раттон ацы адӕмӕн?»

⁷Уыдон ын загътой: «Ацы адӕммӕ хӕлар цӕстӕй куы ракӕсай, сӕ зӕрдӕ сын куы балхӕнай ӕмӕ семӕ фӕлмӕн ныхас куы кӕнай, уӕд дын цӕрӕнбонты лӕггад кӕндзысты».

⁸Фӕлӕ Роховам хистӕрты уынаффӕ ницӕмӕ ӕрдардта ӕмӕ бафарста йе ’мгӕртты, кӕимӕ сырӕзт ӕмӕ йын ныр лӕггад чи кодта, уыдоны:

⁹«Цы мын бауынаффӕ кӕндзыстут? Ацы адӕмӕн цы зӕгъон? Уыдон мӕ курынц, цӕмӕй сын, мӕ фыд сыл цы ’фсондз сӕвӕрдта, уый фӕрогдӕр кӕнон».

¹⁰Йе ’мгӕрттӕ йын дзуапп радтой: «Афтӕ дын чи зӕгъы, дӕ фыд ныл цы уӕззау ӕфсондз сӕвӕрдта, уый нын фӕрогдӕр кӕн, зӕгъгӕ, уыцы адӕмӕн ахӕм дзуапп ратт: „Мӕ кӕстӕр ӕнгуылдз мӕ фыды агъдӕй ставддӕр у.

¹¹Ӕмӕ уын кӕд мӕ фыды ӕфсондз уӕззау уыди, уӕд уын ӕй ӕз та ноджы уӕззаудӕр скӕндзынӕн. Мӕ фыд уӕ ӕфхӕрдта хуымӕтӕг ехсытӕй, ӕз та — сындзджын ехсытӕй“».

¹²Ӕртыккаг бон Йоровам ӕмӕ ӕппӕт дзыллӕ ӕрбацыдысты паддзах Роховаммӕ, куыд сын загъта, афтӕ.

¹³Ӕмӕ сын паддзах радта карз дзуапп. Хистӕрты уынаффӕ ницӕмӕ ӕрдардта, фӕлӕ йе ’мгӕртты уынаффӕмӕ байхъуыста ӕмӕ адӕмӕн загъта:

¹⁴«Мӕ фыд уыл сӕвӕрдта уӕззау ӕфсондз, ӕз та уын ӕй ноджы фӕуӕззаудӕр кӕндзынӕн. Мӕ фыд уӕ хуымӕтӕг ехсытӕй ӕфхӕрдта, ӕз та — сындзджын ехсытӕй».

¹⁵Паддзах нӕ байхъуыста адӕммӕ, уымӕн ӕмӕ уый уыди Дунедарӕджы фӕндон. Хъуамӕ сӕххӕст уыдаид, Дунедарӕг силомаг пехуымпар Ахийайы дзыхӕй Наваты фырт Йоровамӕн цы ныхас загъта, уый.

¹⁶Израилы адӕм, паддзах сын сӕ курдиат ницӕмӕ дары, уый куы федтой, уӕд ын загътой: «Чи нын у ныр Давид? Цыфӕнды фӕуӕд Йессейы фырт! Уӕ хӕдзӕрттыл ныххӕлиу ут, Израил! Дӕхӕдӕг кӕс дӕ мыггагмӕ, Давид!» Уыйадыл Израилы адӕм сӕ хӕдзӕрттӕм аздӕхтысты.

¹⁷Ӕрмӕстдӕр, Иудейы сахарты цы израилӕгтӕ царди, уыдонӕн баззади паддзахӕй Роховам.

¹⁸Паддзах Роховам йӕ хъалонисӕг ӕмӕ бегарайы кусджыты хицау Адорамы хъалон исынмӕ куы арвыста, уӕд ыл израилӕгтӕ дуртӕй ралӕууыдысты, ӕмӕ амарди. Паддзах Роховам йӕхӕдӕг та уай-уысм уӕрдонмӕ багӕпп ласта ӕмӕ Йерусалиммӕ алыгъди.

¹⁹Уӕдӕй абоны онг Израил фӕхицӕн ис Давиды хӕдзарвӕндагӕй.