Read Хуыцауы Дзырд иронау Езра 10 Bible Online

Езра 10 - Хуыцауы Дзырд иронау bible

Езра 10

¹Цалынмӕ Езра, зӕххыл ныддӕлгом ис, афтӕмӕй Хуыцауы раз куыдта ӕмӕ тӕригъӕдтӕ ӕргом кодта, уӕдмӕ йӕ алыварс ӕрӕмбырд ис бирӕ адӕм — израилӕгтӕ нӕлгоймагӕй, сылгоймагӕй, сывӕллонӕй — уыдон дӕр куыдтой ӕмӕ дзынӕзтой.

²Уӕд Еламы байзӕддӕгтӕй иу, Шеханиа, Йехиелы фырт, Езрайӕн загъта: «Нӕ Хуыцауы раз фыдгӕнӕг стӕм, уымӕн ӕмӕ зӕххы цъары алы адӕмтӕй устытӕ фӕкуырдтам, фӕлӕ Израилӕн уыцы хъуыддаджы нырма йӕхи сраст кӕнӕн ис.

³Бавдӕлӕм ӕмӕ нӕ Хуыцауимӕ бафидауӕм ӕмӕ дӕ фӕндӕй, нӕ хистӕр, ӕмӕ, Хуыцауы фӕдзӕхстытӕ йӕ зӕрдӕйы арф ӕвӕрд кӕмӕн сты, ӕппӕт уыдоны фӕндӕй нӕ уыцы устыты ӕмӕ, кӕй нын ныййардтой, уыцы сывӕллӕтты иууылдӕр нӕхицӕй арвитӕм. Ӕгъдау куыд амоны, афтӕ фӕуӕд!

⁴Уӕдӕ сыст уӕлӕмӕ, хъуыддаг дӕуӕй аразгӕ у, ӕмӕ мах дӕр дӕумӕ кӕсӕм: цырд фӕлӕуу ӕмӕ февнал!»

⁵Езра бавдӕлд ӕмӕ сауджынты, левитты хистӕртӕн ӕмӕ ӕппӕт израилӕгтӕн загъта, цӕмӕй ард бахӕрой, ӕцӕгдӕр афтӕ кӕй бакӕндзысты, уый тыххӕй, ӕмӕ уыдон ард бахордтой.

⁶Сыстади Езра Хуыцауы хӕдзары цурӕй, Елиашивы фырт Йохананы хӕдзармӕ бацыд ӕмӕ йе ’хсӕв уым арвыста. Къӕбӕр дӕр дзы нӕ бахордта, дон дӕр дзы нӕ бануӕзта: ӕрбалидзджыты фыдракӕндыл марой кодта.

⁷Уӕдмӕ ӕгас Иудей ӕмӕ Йерусалимы фехъусын кодтой, уацары чи уыди, уыдон Йерусалиммӕ куыд ӕрӕмбырд уой.

⁸Ӕртӕ бонмӕ чи нӕ фӕзына, уымӕн хицӕуттӕ ӕмӕ хистӕрты фӕндонмӕ гӕсгӕ йӕ исбон ӕнӕхъӕнӕй ист ӕрцӕудзӕн, йӕхиуыл та йын ӕрбалидзджыты ’хсӕн хъоды бакӕндзысты.

⁹Иудей ӕмӕ Бениамины цӕрджытӕ иууылдӕр ӕртӕ бонмӕ, фарӕстӕм мӕйы ссӕдзӕм бон, ӕрбамбырд сты Йерусалиммӕ. Адӕм бадтысты Хуыцауы хӕдзары цур фӕзы. Хъуыддагыл катайӕ дӕр адӕргӕй гӕвз-гӕвз кодтой, къӕвдайӕ дӕр рызтысты.

¹⁰Сыстади Езра, сауджын, ӕмӕ загъта: «Ӕндӕрмыггаг сылгоймӕгты кӕй ракуырдтат, уый уын фыдракӕнд уыди, ӕмӕ афтӕмӕй Израилы азымы баппӕрстат.

¹¹Уый тыххӕй хатыр ракурут Дунедарӕгӕй, уӕ фыдӕлты Хуыцауӕй, ӕмӕ йын сӕххӕст кӕнут Йӕ фӕндон: ахицӕн ут дунейы иннӕ адӕмтӕй ӕмӕ уе ’ндӕрмыггаг устытӕй».

¹²Ӕмбырды адӕм ӕмхъӕлӕсӕй схор-хор кодтой: «Ды куыд зӕгъыс, афтӕ бакӕндзыстӕм,

¹³Фӕлӕ ам бирӕ адӕм ис, ӕмӕ сын уынджы ӕрлӕууӕн нӕй, уымӕн ӕмӕ рӕстӕг къӕвдаджын у ӕмӕ уынджы ӕрлӕууӕн нӕй. Хъуыддагӕн та иу кӕнӕ дыууӕ бонмӕ алыггӕнӕн нӕй: нӕ тӕригъӕдтӕ бирӕ сты.

¹⁴Фӕлтау ӕппӕт адӕмы бӕсты нӕ хицӕуттӕ ӕрбамбырд уӕнт, ӕмӕ, ӕндӕрмыггаг устытӕ чи ракуырдта, уыдон иууылдӕр нысангонд рӕстӕг ардӕм цӕуӕнт, алкӕмӕн дӕр дзы йемӕ йӕ сахары хистӕртӕ ӕмӕ тӕрхонгӕнджытӕ, афтӕмӕй, цалынмӕ нӕ уыцы хъуыддаджы тыххӕй Хуыцауы карз фыдӕхӕй схицӕн уӕм, уӕдмӕ».

¹⁵Ныхмӕ рацыдысты ӕрмӕст Йонатан, Асаелы фырт, ӕмӕ Йахзе, Тиквайы фырт. Уыдоны фарс ма рахӕцыдысты Мешуллам ӕмӕ Шабтай-левит дӕр.

¹⁶Афтӕ ацыд уацарӕй ӕрбаздӕхджыты хъуыддаг. Езра-сауджын алы хӕдзарвӕндагӕн дӕр йӕ хистӕры равзӕрста, се ’ппӕтмӕ дӕр номхуындӕй фӕдзырдта. Ӕвзӕрст лӕгтӕ хъуыддагмӕ ӕркӕсыны тыххӕй дӕсӕм мӕйы фыццаг бон ӕрӕмбырд сты.

¹⁷Йӕ бинойнаг ӕндӕр адӕмӕй кӕмӕн уыди, уыцы израилӕгты сбӕлвырд кодтой фыццаг мӕйы фыццаг бонмӕ.

¹⁸Сауджынты фырттӕй ӕндӕрмыггаг бинойнӕгтӕ кӕмӕн разынди, уыдон уыдысты: Иоцадакы фырт Йешуа ӕмӕ йе ’фсымӕрты лӕппутӕ — Маасеа, Елиезер, Иарив ӕмӕ Гедалиа.

¹⁹Уыдон сӕ къухтӕ радтой, сӕ устытимӕ кӕй ахицӕн уыдзысты ӕмӕ фӕйнӕ фысы фиддоны нывондӕн кӕй ӕрхӕсдзысты, уый тыххӕй;

²⁰Иммеры фырттӕй — Ханани ӕмӕ Зевадиа;

²¹Харимы фырттӕй — Маасеа, Илийа, Шемайа, Йехиел ӕмӕ Узийа;

²²Пашхуры фырттӕй — Елйоенай, Маасеа, Измаел, Нетанел, Йозавад ӕмӕ Еласа;

²³левиттӕй — Йозавад, Шими ӕмӕ Келайа — Келита дӕр ӕй хонынц, Петахиа, Иудӕ ӕмӕ Елиезер;

²⁴зарӕггӕнджытӕй — Елиашив; дуаргӕстӕй — Шаллум, Телем ӕмӕ Ури;

²⁵Израилы адӕмӕй: Парошы фырттӕй — Рамиа, Иззиа, Малкиа, Миамин, Елеазар, Малкиа ӕмӕ Бенайа;

²⁶Еламы фырттӕй: Маттаниа, Захариа, Йехиел, Авди, Йеремот ӕмӕ Илийа;

²⁷Заттуйы фырттӕй: Елйоенай, Елиашив, Маттаниа, Йеремот, Завад ӕмӕ Азиза;

²⁸Бевайы фырттӕй: Йоханан, Хананиа, Заббай ӕмӕ Атлай;

²⁹Банийы фырттӕй: Мешуллам, Маллух, Адайа, Йашув, Шеал ӕмӕ Йеремот;

³⁰Пахат-Моавы фырттӕй: Адна, Келал, Бенайа, Маасеа, Маттаниа, Бецалел, Биннуй ӕмӕ Менассиа;

³¹Харимы фырттӕй: Елиезер, Ишшиа, Малкиа, Шемайа, Шимон,

³²Бениамин, Маллух, Шемариа;

³³Хашумы фырттӕй: Маттенай, Маттата, Завад, Елифелет, Йеремай, Менассиа ӕмӕ Шими;

³⁴Банийы фырттӕй: Маадай, Амрам ӕмӕ Уэл,

³⁵Бенайа, Бедеа, Келуху,

³⁶Ванеа, Меремот, Елиашив,

³⁷Маттаниа, Маттенай, Йаасай.

³⁸Биннуйы мыггагӕй — Шими,

³⁹Шелеми, Натан, Адайа,

⁴⁰Махнадвай, Шашай, Шарай,

⁴¹Азарел, Шелеми, Шемариа,

⁴²Шаллум, Амариа ӕмӕ Йосеф;

⁴³Невойы фырттӕй: Йеиел, Маттитиа, Завад, Зевина, Йаддай, Иоел ӕмӕ Бенайа.

⁴⁴Адонӕн се ’ппӕтӕн дӕр сӕ устытӕ уыдысты ӕндӕр адӕмтӕй. Иуӕй-иутӕн дзы уыди сывӕллӕттӕ.